गणतन्त्र दिवसको अवसरमा सिन्धुपाल्चोकका दुई कैदीबन्दीको कैद मिनाहा
चौतारा । गणतन्त्र दिवसको अवसरमा सिन्धुपाल्चोकका दुई जना कैदी बन्दीको कैद सजाय मिनाहा गरिएको छ । नेपाल सरकारको जेठ १२ गतेको मन्त्रिपरिषदको निर्णय अनुसार ती व्यक्तिहरुको कैद मिनाहा गरिएको हो ।
सिन्धुपाल्चोकका याङनोर्र्बुु शेर्पा र शरणप्रसाद अधिकारीको कैद मिनाहा भएको जिल्ला प्रहरी कार्यालयका प्रहरी उपरीक्षक माधव प्रसाद काफ्लेले जानकारी दिए ।
याङनोर्बु कुटपिट तथा अगंभगं मुद्दामा जिल्ला अदालतबाट दोषी करार गरी २०७६ मा जेल परेका थिए । त्यसैगरी शरण प्रसाद अधिकारी सवारी ज्यान मुद्दामा २०६१ मा पुनरावेदन अदालत बुटवलबाट दोषी करार भई जेल परेका थिए । दुवै जनाको नकारात्मक चालचलन नभएकाले गणतन्त्र दिवसका दिन बाँकी कैद मिनाहा गरिएको हो । उनीहरुलाई आज नै घर पठाइएको काफ्लेले बताए ।
क्याटेगोरी : समाचार, समाज
ट्याग : #breaking
तपाईको प्रतिक्रिया दिनुहोस