सीमा विवाद सुल्झाउन माग गर्दै सिन्धु नेविसंघले बुझायो प्रधानमन्त्रीलाई ज्ञापनपत्र
चौतारा । भारतले सीमा अतिक्रमण गर्दा समेत सरकारले सीमाका विषयमा भारतसँग कुनै छलफल नगरेको भन्दै नेपाल विद्यार्थी संघ सिन्धुपाल्चोकले प्रधानमन्त्री केपी शर्मा ओलीलाई ज्ञापन पत्रमार्फत ध्यानाकर्षण गराएको छ ।
नेविसंघ सिन्धुपाल्चोकले इलाका प्रहरी कार्यालय बाह्रबिसेका प्रमुख नवराज न्यौपाने मार्फत प्रधानमन्त्रीलाई ज्ञापन पत्र बुझाएको नेविसंघ सिन्धुपाल्चोकका कार्यावाहक अध्यक्ष नवीन श्रेष्ठले जानकारी दिए ।
ज्ञापन पत्रमा भनिएको छ, नेपालको भूमि मिचेर सडक बनाउँदा थाहा नपाउने सरकारले गल्ती सच्चयाउनु भन्दा उल्टै सीमा अतिक्रमणको विरोधमा सडकमा आएका सर्वसाधारण र विद्यार्थी नेतामाथि भएको प्रहरी दमनको घोर भत्र्सना गर्दछौं ।
नेविसंघले निर्वाचनका समयमा चर्का राष्ट्रवादी कुरा गर्ने र सत्ता जोगाउन भारतसँग लम्पसार पर्ने प्रवृतिको घोर भत्र्सना गर्दै यही कारण सीमा अतिक्रमण भएको ठहर समेत गरेको छ ।
साथै नेविसंघले सीमा विवादलाई उच्च कुटनीटितक सुझबुझका साथ समाधान गर्न सरकारलाई आग्रह गर्दै २०१५ मा चीन र भारतबीच बेइजिङमा भएको सहमतिप्रति घोर आपति जनाएको छ । हाम्रो भूमि फिर्ताका लागि तदारुकताका साथ सरकारले काम नगरे भारतीय अतिक्रमण र सरकारको लम्पसार प्रवृति विरुद्ध आन्दोलनको आँधीबेहरी ल्याउने नेविसंघ कार्यावाहक अध्यक्ष श्रेष्ठले चेतावनी दिए ।
क्याटेगोरी : समाचार
ट्याग : #breaking
तपाईको प्रतिक्रिया दिनुहोस