‘सबैले आफूलाई पीडित भन्छन्-कसरी दिने राहत ?’(भिडियो)

खाडिचौर । लिसंखुपाखर गाउँपालिकाका अध्यक्ष कमल नेपालले विभिन्न जिल्लाबाट गाउँपालिका भित्रेकाहरु सामुदायिक क्वारेन्टाइनमा बस्न नमानेको बताएका छन् । काठमाडौंबाट आएकाहरुलाई विद्यालयमा राख्ने गाउँपालिकाको योजना भएपनि उनीहरु बस्न नमानेको अध्यक्ष नेपालले बताए । उनले भने, ‘हामी घरमा नै सुरक्षित बस्छौं भन्नुभयो त्यसैले ४ सय जनाको स्वास्थ्य परीक्षण गरेर घरमा नै बसेका छन् ।’

उनले राहत वितरणमा समस्या भएको बताएका छन् । स्थानीयहरुले हामी सबै पीडित हौ सबैले राहत पाउनुपर्छ भनेपछि राहत वितरणमा समस्या भएको छ । अति नै विपन्नलाई राहत दिने गाउँपालिकाको निति भएपनि सबैले पाउनुपर्छ भनेपछि समस्या भएको हो ।

अहिलेसम्म गाउँपालिकामा यो महामारीको अवस्थालाई गाउँपालिका एक्लैले लड्दै आएको छ । संघबाट आधिकारिक हिसाबको सहयोग नआएको र प्रदेशले १० लाख पठाउने भनेतापनि त्यो दाखिला भइनसकेको उनले जानकारी दिए । सबैको परीक्षण गरेर कोरोना छैन भन्ने थाहा पाउन पाए सबैलाई ढुक्क हुने थियो उनले भने । त्यसको लागि संघ र प्रदेशले आवश्यक कीटको व्यवस्था गरिदिनुपर्ने उनको माग छ । आवश्यक किट भयो भने परीक्षण गर्न गाउँपालिका तयार छ ।

भारतबाट खाद्य सामग्री आएरमात्रै नेपालमा अहिले खाद्य समस्या नभएको उनले बताए । भारतमा पनि लकडाउन रहेकाले उत्पादन नभएपछि नेपालमा खाद्यान्न नआउने हुँदा खाद्यान्न समस्या हुन सक्ने भन्दै उनले संघ र प्रदेश यसबारे सोच्न जरुरी रहेको बताए । त्यसको लागि स्थानीय तहहरुले पनि सोचिरहेको तर त्यसले मात्रै नपुग्ने हुँदा संघ र प्रदेशले नै यसबारे सोच्न जरुरी रहेको उनले सुझाव दिए । पालिकाले पनि आफ्नो पालिकाभित्रका सबै बाँझो जमिनमा खेती सुरु गर्छ उनले भने ।

हेरौ सिन्धुखबरले उनीसँग गरेको कुराकानी ।

 

क्याटेगोरी : भिडियो, समाचार
ट्याग : #breaking

---

---

---