गृहपृष्ठ ∕ समाचार ∕ वडाले पुर्यायो घरमै किताब वडाले पुर्यायो घरमै किताब सिन्धु खबर वैशाख २७, २०७७ गते १५:३४ मा प्रकाशित चौतारा । त्रिपुरासुन्दरी गाउँपालिका ३ ले घर-घरमा पुगेर विद्यार्थीलाई किताब बाँडेको छ । वडा शिक्षा समितिले निर्णय गरे अनुरुप विद्यालयहरुले वडाका १ देखि १० सम्म अध्ययन गर्ने विद्यार्थीहरुको घरमै गएर आजबाट किताब वितरण सुरु गरेको वडाध्यक्ष शुकदेव रिसालले जानकारी दिए । पुस्तक वितरण आइतबारसम्म सकिनेछ । विद्यालयले पुस्तकहरु किनेर आफै गाडी लिइ गाउँ गाउँ पुगेर वितरण गरेको हो । विद्यालयले अहिले आफैले पुस्तक खरिद गरेपनि पछि सरकारले अनुदान दिएपछि सोधभर्ना गरिने रिसालले जानकारी दिए । विद्यार्थी भर्नाको आधारमा सरकारले विद्यालय शिक्षाका लागि निशुल्क किताब उपलब्ध गराउँदै आएको छ । वडामा ८ विद्यालयमा ५ सय २० विद्यार्थी छन् । वडामा विद्यार्थी भर्ना अभियान सकिएको छ । भर्ना संख्याका आधारमा पुस्तक वितरण गरिएको हो । १ देखि १० सम्म स्वत भर्ना गरिएको र ६ र ९ को हकमा भने अन्य विद्यालयबाट आउनेले सम्बन्धित विद्यालयको हेडसरले सबै तथ्यांक ल्याएर एकमुष्ट भर्ना गरिएको थियो । बाँकी छुटपुट भर्नाको लागि वडाले स्वास्थ्य स्यवंसेविका मार्फत भर्ना गर्ने बताएको छ । यसैबीच वडाले आउँदो सोमबारबाट अफलाइन कक्षा सञ्चालन गर्ने भएको छ । कोरोना भाइरसका कारण विद्यालय बन्द हुँदा फुर्सदमा रहेका विद्यार्थीहरुमा मानसिक समस्या नहोस भनेर वडाले अफलाइन कक्षा सञ्चालन गर्न लागेको अध्यक्ष रिसालले जानकारी दिए । अफलाइन कक्षामा टोल टोलमा गएर शिक्षकले विद्यार्थीहरुलाई गृहकार्य दिने, कपी चेक गर्ने र फेरि गएर सल्लाह सुझाव दिने गर्दछन् । साथै विद्यार्थीलाई सरसफाइका बारेमा पनि सचेत गराउनेछन् । क्याटेगोरी : समाचार ट्याग : #banner तपाईको प्रतिक्रिया दिनुहोस सम्बन्धित समाचार ग्रिन सिटी पार्क बगाएसँगै टुट्यो सुन्दर मेलम्चीको एउटा कल्पना अझै उस्तै पीडामा छ हेलम्बु सिन्धुपाल्चोक उद्योग वाणिज्य संघ र नेपाल हिमालय सिमापार वाणिज्य संघ… मेलम्ची बाढी : दैनिक करोडको कारोबार लगभग शून्यमा धेरै पढिएका १खुकुरी हान्ने बाह्रबिसेका ४ जना पक्राउ २सिन्धुपाल्चोकका यी ठाउँमा भोलिदेखि निषेधाज्ञा जारी ३क्रसरका संञ्चालकले मार्ने योजना बनाएको भन्दै वडाध्यक्षले सुरक्षाकर्मी गुहारे ४मोटरसाइकलसहित लिसंखु र तौथलीका दुई चोर पक्राउ ५स्वास्थ्य केन्द्रका राई तीन महिनादेखि बेपत्ता ६सामुहिक बलात्कारमा संलग्न जुगलका कैलाश पक्राउ ७सुकुटेमा बसले मोटरसाइकललाई हान्यो, एकको मृत्यु ८काँग्रेस क्षेत्रीय सचिव वासुमाथि सांघातिक आक्रमण
