निजी अस्पताल ठूला शहरमा मात्रै केन्द्रित हुनुहुँदैन(भिडियोसहित)

मेलम्ची । मेलम्ची नगरपालिकाका मेयर डम्बर अर्यालले निजि वा सरकारी सबै अस्पतालहरु शहर केन्द्रित भएको आरोप लगाएका छन् । सिन्धुखबरसँग कुरा गर्दै उनले निजि र सरकारी अस्पताल काठमाडौं केन्द्रित मात्रै हुन नहुने बताए ।

अब ती अस्पतालहरु प्रदेश, जिल्ला र गाउँपालिकासम्म पुग्नुपर्ने उनको सुझाव छ । उनले २५ बेडको अस्पताल आफ्नो नगरपालिकामा आवश्यक रहेपनि त्यो नहुँदा भोलि महामारीको अवस्था आए समस्या देखिने बताए । उनले स्वास्थ्यमा सचेतना जगाउनुपर्ने अहिलेको आवश्यकता रहेको बताउँदैं विद्यालय तहका पुस्तकहरुमा स्वास्थ्यसम्बन्धी विषय राख्न जरुरी रहेको बताए ।

कोरोना संक्रमण नियन्त्रणका लागि नगरपालिकाले विभिन्न काम गर्दै आएको उनको भनाइ छ । सुरुमा मेलम्चीले सचेतनामा जोड दिएको थियो । पछिल्लो चरण स्वास्थ्य परीक्षण र क्षेत्रीय क्वारेन्टाइन व्यवस्थापनमा नपरपालिका व्यस्त छ । दीर्घरोगीहरुलाई औषधि पुर्याउने, काठमाडौंमा अलपत्र परेको आफ्ना नागरिकको उद्धारमा नगरपालिका लागेको छ । नगरपालिकाले दैनिक ज्याल मजदुरी गरेर खानेहरुलाई राहत वितरण पनि गरेको छ । अबका दिनमा के गर्दैछ त नगरपालिका हेरौं भिडियो ।