चौतारा । चौतारा सांगाचोकगढी नगरपालिका ६ नम्बर वडाले चुल्हो बल्ननै गाह्रो भएका ८९ विपन्न परिवारलाइ राहत वितरण गरेको छ । संघीय मामिला तथा स्थानीय विकास मन्त्रालयले तोकेको मापदण्डमा रहेर राहत वितरण गरीएको वडा अध्यक्ष तोक वहादुर तामाङले जानकारी दिए । चौतारा सांगाचोकगढी नगरपालिका ६ नम्बर वडा स्तरीय विपत ब्यवस्थापन समितिको बैठकले निर्णय गरेसंगै हात मुख जोड्न गाह्रो परेका अति विपन्न परीवारले राहत पाएका छन् । अध्यक्ष तामाङका अनुसार समितिले वडाबाट उनीहरुलाई कुपन उपलब्ध गराएको छ । सरकारले तोकेको मापदण्ड अनुसार ३ भन्दा बढी सदस्य संख्या भएका परीवारलाई ३० किलो चामल, ३ किलो दाल, २ लिटर तेल, ४ वटा साबुन र २ किलो चिनी गरी जम्मा एक परीवारलाई २ हजार ५ सय १४ रुपैयाको राहत सामग्री दिएको छ । परिवारमा २ वा त्यो भन्दा कम सदस्य भएको अवस्थामा त्यसको आधा मात्र राहत वडाले वितरण गरेको हो ।
सरकारले कोरोना जोखिम कम गर्न लकडाउन गरेसंगै दैनिक ज्यालामजदुरी गर्ने परिवार समस्यामा परेको गुनासो आएपछि वडाले सहयोग गरेको अध्यक्ष तामाङले जानकारी दिए ।
क्याटेगोरी : समाचार
तपाईको प्रतिक्रिया दिनुहोस