गृहपृष्ठ ∕ समाचार ∕ हेलम्बुले सुरु गर्यो एकल पुरुष भत्ता हेलम्बुले सुरु गर्यो एकल पुरुष भत्ता सिन्धु खबर वैशाख २२, २०७७ गते २१:५४ मा प्रकाशित हेलम्बु । हेलम्बु गाउँपालिकाले एकल पुरुषलाई भत्ता वितरण सुरु गरेको छ । गापाले दोस्रो चौमासिकबाट एकल पुरुषलाई भत्ता वितरण सुरु गरेको गाउँपालिका अध्यक्ष निमा ग्याल्जेन शेर्पाले जानकारी दिए । एकल पुरुषले मासिक पाँच सय भत्ता पाउनेछन् । श्रीमतीको मृत्यु भएको मृत्युदर्ता प्रमाणपत्र पेश गरेपछि पुरुषहरुले भत्ता पाउनेछन् । महिला र पुरुष समान भएकाले व्यवहारिक रुपमै त्यसको थालनी गर्न पुरुषलाई पनि भत्ता दिन थालेको अध्यक्ष शेर्पाले बताए । जुनसुकै उमेर समूहका श्रीमती बितेका पुरुषले एकल पुरुष भत्ता पाउनेछन् । विवाह नगरी बसेकाको हकमा आगामी दिनमा थप छलफल गरेर निर्णय लिने शेर्पाले बताए । महिलाहरुले भने सरकारको निर्णय अनुसार एकल महिला भत्ता लिँदै आएका छन् । एकल महिलाले मासिक दुइ हजार भत्ता पाउँछन् । तर पुरुषलाई भत्ता दिने गरिएको छैन । गापाको आन्तरिक स्रोतबाट गापाभरि रहेका पुरुषलाई भत्ता वितरण गर्न सुरु गरिएको प्रशासकीय अधिकृत भीमराज कोइरालाले बताए । अहिलेसम्म गापाका एक सय ९५ जना एकल पुरुषले भत्ता लिएका छन् । जिल्लामा एकल पुरुष भत्ता दिने हेलम्बु नै पहिलो गापा हो । क्याटेगोरी : समाचार ट्याग : #breaking तपाईको प्रतिक्रिया दिनुहोस सम्बन्धित समाचार ग्रिन सिटी पार्क बगाएसँगै टुट्यो सुन्दर मेलम्चीको एउटा कल्पना अझै उस्तै पीडामा छ हेलम्बु सिन्धुपाल्चोक उद्योग वाणिज्य संघ र नेपाल हिमालय सिमापार वाणिज्य संघ… मेलम्ची बाढी : दैनिक करोडको कारोबार लगभग शून्यमा धेरै पढिएका १खुकुरी हान्ने बाह्रबिसेका ४ जना पक्राउ २सिन्धुपाल्चोकका यी ठाउँमा भोलिदेखि निषेधाज्ञा जारी ३क्रसरका संञ्चालकले मार्ने योजना बनाएको भन्दै वडाध्यक्षले सुरक्षाकर्मी गुहारे ४मोटरसाइकलसहित लिसंखु र तौथलीका दुई चोर पक्राउ ५स्वास्थ्य केन्द्रका राई तीन महिनादेखि बेपत्ता ६सामुहिक बलात्कारमा संलग्न जुगलका कैलाश पक्राउ ७सुकुटेमा बसले मोटरसाइकललाई हान्यो, एकको मृत्यु ८काँग्रेस क्षेत्रीय सचिव वासुमाथि सांघातिक आक्रमण
