गाउँबाट राहत बोकेर काठमाडौंमै (भिडियोसहित)

काठमाडौं । सिन्धुपाल्चोकको विकट जुगल गाउँपालिकाका वडाध्यक्षहरु राहत बोकेर काठमाडौं नै आएका छन् । काठमाडौं सबै कुरा गाउँ पुर्याउँछ तर यो पालि काठमाडौंलाई राहत बोकेर गाउँ आएको हो । लकडाउन भएको लामो समय भएका कारण आफ्ना वडाका दैनिक ज्याला मजदुरी गर्ने नागरिक भोकै नपरुन भनेर गाउँ राहत बोकेर काठमाडौं आएको हो ।

राहत काठमाडौै मात्रै आएन नागरिकको कोठा कोठा पुग्यो । त्यसमा जुगलका ७ वटै वडाका वडाध्यक्ष राहत वितरणमा आफै लागे । उनीहरुले गाउँबाट काठमाडौंमा को कहाँ बस्छन् भनेर लिस्ट नै बोकेर आएका थिए । सोही लिस्ट बमोजिम पाँच दिनसम्म लगाएर राहत वितरण गरेको ५ नम्बर वडाका वडाध्यक्ष सनत अधिकारीले बताए ।

राहत पाएर जनतापनि खुशी छन् । उनीहरु भन्छन्, जनता भोकै छन् कि भनेर वडाले नै सम्झियो हामी खुशी छौं । ‘के खाउ भन्ने बेला चामललगायत आवश्यक खाद्यान्न लिएर वडा नै यही आयो जनप्रतिनिधि त यस्तो पो हुनु’ उनीहरु भन्दै थिए । वडाध्यक्ष सनतले पाँच दिन लगाएर राहत वितरण गरे । उनले आफ्ना वडाका उपत्यकामा बस्ने २०१ प्रिवारलाई खाद्यान्न राहत वितरण गरे । बनेपाबाट बाँड्दै आए अझै ४० परिवारलाई राहत पुगेन उनीहरुलाई छिट्टै व्यवस्था गर्ने उनले बताए । खाद्यान्न राहतमा एकबोरा चामल, नून, तेल, गेडागुडीलगायत छन् ।

जो जहाँ छन् त्यही राहत पुर्याउने गाउँपालिकाको निति अनुसार उनी राहत लिएर काठमाडौं आएका थिए । जुगलले विपद व्यवस्थापन समितिको बैठक नै बसी काठमाडौंमा रहेका आफ्ना नागरिकहरुलाई खाद्यान्न राहत उतै पुर्याउने निर्णय गरेको थियो । काठमाडौंमा रहेकालाई खाद्यान्न राहत दिने तर गाउँ नल्याउने गापाको निति अनुसार वडाध्यक्षहरु राहत बोकेरै काठमाडौं आएका हुन् ।