गृहपृष्ठ ∕ समाचार ∕ २५ सय बढी नेपाली कुवेतको क्वारेन्टाइनमा, सिन्धुवासी सुरक्षित २५ सय बढी नेपाली कुवेतको क्वारेन्टाइनमा, सिन्धुवासी सुरक्षित सिन्धु खबर वैशाख २०, २०७७ गते ११:०१ मा प्रकाशित काठमाडौं । विश्वभर महामारीको रूपमा फैलिइरहेको कोरोना भाइरसले विदेशमा रहेको नेपालीहरू अझ बढी प्रभावित छन् । घर परिवारबाट टाढा रहनु र काममा जान नपाउनुले उनीहरुलाई आर्थिक, सामाजिक र मानसिक रुपमा बढी प्रभाव पारेको छ । विदेशमा रहेको सिन्धुवासीहरूको खबर लिने क्रममा सिन्धुखबरले बलेफी गाउँपालिका ८ लामोसाँघु निवासी हाल कुवेतमा कार्यरत माधव पौडेल “असल यात्री” लाई सम्पर्क गरेको थियो । पौडेल कुवेतमा लामो समयदेखि बस्छन् । उनी भन्छन् ‘हामी सुरक्षित छौं, मेरो सूचना अनुसार यहाँ ६१ नेपाली कोरोना भाइरसबाट संक्रमित छन् ।’ उनी भन्छन्, ‘अहिलेसम्म सिन्धुवासी भने सुरक्षित छन् ।’ त्यहाँको कानुन अनुसार संक्रमितको नाम ठेगाना सार्वजनिक गर्न मिल्दैन । हाल कुवेतमा लगभग ७० हजार नेपाली कार्यरत छन् । ती मध्ये धेरै घरेलुु कामदारहरु छन् । अन्य काम गर्ने दुई हजार जति छन् । कोरोना संक्रमणले पारेको प्रभावसँगैं कुवेत सरकारले खोलेको आममाफिको फाइदा उठाउदै २५ सय देखि चार हजार संख्यामा अवैधानिक कामदारहरु नेपाल जानको लागि कुवेत सरकारको क्वारेन्टाइनमा बसेका छन् । अहिले अन्तराष्टिय उडान नभएका कारण उनीहरु स्वदेश फर्कन पाएका छैनन् । स्थिति सहज भएर नेपालमा अन्तर्रा्ष्ट्रिय उडान सुरु भएसँगै उनीहरु नेपाल फर्कनेछन् । उनीहरु बर्षौ पछि घर परिवारसँग मिलन हुनेछ भनेर प्रफुल्लित छन् । उनी भन्छन्, ‘यहाँ हामीलाई आफू सुरक्षित रहने एउटा चिन्ता त छदैं छ नेपालमा रहेका आफन्तहरुको चिन्ता पनि उतिकै लागिरहन्छ ।’ पौडेल आफै पनि विभिन्न परोपकारी संघसंस्थामा आबद्ध छन् । उनले समस्यामा रहेका नेपालीहरुको समस्या समाधानमा सधै अग्रपंक्तिमा रहेर काम गर्दै आएका छन् । क्याटेगोरी : समाचार ट्याग : #banner तपाईको प्रतिक्रिया दिनुहोस सम्बन्धित समाचार प्रहरीले थाल्यो सवारी अनुगमन तीव्र, ६७ सवारी साधनलाई कारवाही, ६७… सिन्धुपाल्चोकका निशानका हत्यारालाई गरिएकाे ईन्काउन्टर `फेक´ सिन्धुपाल्चोकमा थप एक पत्रकारलाई काेराेना पुष्टी स्मृतिसभामा स्व. भावुकको चर्चा, स्मृतिग्रन्थ प्रकाशन गरिने धेरै पढिएका १सदाबहार श्रीकृष्ण ‘एकदिन त छुट्नुनै छ मृत्यु केवल बाहाना हो’ २२६ किमी सडक दुरीको भाडा झण्डै नौ लाख ३कुवेतबाट आएका १२ महिलासहित सिन्धुपाल्चोकमा एकैदिन २१ जनामा कोरोना संक्रमण ४भदौरे गणेश कपः तयारी पूरा, टाइसिट सार्वजनिक ५बाह्रबिसे र बलेफिका दुई महिलामा कोरोना संक्रमण, सिन्धुपाल्चोकमा संक्रमितको संख्या २९ पुग्यो ६यसरी पत्ता लगाए सिन्धुपुत्र कसजूले विश्वमै नयाँ वनस्पति ७हेलम्बुको लोकप्रिय कार्यक्रमः किसानको तीन महिनाको ब्याज मिनाहा, सुत्केरीको स्वास्थ्य जाँच गर्न घरमै जाने ८शिक्षामा समसामयिक चिन्तन
