जटिल परिस्थितिको अवस्था अवलोकन गर्न मानवअधिकारको अनुगमन समिति
चौतारा, १३ चैत ।
कोरोना भाइरसबाट उत्पन्न बर्तमान जटिल परिस्थितिमा मानवअधिकारको अवस्था अनुगमन गर्न राष्ट्रिय मानवअधिकार आयोगले सिन्धुपाल्चोक जिल्लामा अनुगमन समिति गठन गरेको छ ।
आयोगले गठन गरेको जिल्ला स्तरिय अनुगमन समितिमा नेपाल बार इकाइका अध्यक्ष भेषराम ढकाल, गैरसरकारी संस्था महासंघका अध्यक्ष गोबिन्दप्रसाद सापकोटा, मानवअधिकार कर्मी नातिबावु धिताल र आदिवासी जनजाती महिला महासंघकी अध्यक्ष पानमायाँ तामाङसहितको अनुगमन समिति बनेको हो ।
जिल्लामा गठित समितिले राष्ट्रिय मानवअधिकार आयोगले कोभिड—१९ को सन्दर्भमा मानवअधिकारको अवस्था अनुगमन नेटवर्कको कार्यविधिमा उल्लेखित आचारसंहिता भित्र रहेर अनुगमन गर्ने मानवअधिकार कर्मी नातिबावु धितालले बताए । आयोगले केन्द्र, प्रदेश र जिल्ला गरी तिनै तहमा कोभिड १९ ले मानवअधिकारमा पारेको असरको अनुगमन गर्न समिति गठन गरी परिचालित गरेको छ ।
क्याटेगोरी : समाचार
तपाईको प्रतिक्रिया दिनुहोस