बिहीबार, मंसीर २३, २०७८
गृहपृष्ठसमाचारबलेफिले दोलखाबाट हिड्दै आएका मजदुरको उद्धार गरी काठमाडौं पठायो

बलेफिले दोलखाबाट हिड्दै आएका मजदुरको उद्धार गरी काठमाडौं पठायो


बलेफि । बलेफि गाउँपालिकाले दोलखाबाट पैदल हिडेर आएका मजदुरहरुको उद्धार गरेको छ । तीन दिन देखि हिडेर आज बलेफि बजार आइपुगेको मजदुरहरुको गापाले उद्धार गरेको हो ।

गापाले १५ जना मजदुरलाई बसको व्यवस्था गरी काठमाडौंसम्म पुर्‍याउने व्यवस्था गरेको गापाका अध्यक्ष केदार क्षत्रीले जानकारी दिए । उनीहरु पुर्ननिर्माण र सडकको कामका लागि रुकुम र सल्यानबाट दोलखा पुगेका थिए ।

उनीहरु रुकुम चौरजहारी नगरपालिका ८ का १२ जना र सल्यान कोमकका तीन जना छन् । उनीहरुको खुट्टा सुन्निएको र हिड्न नै नसक्ने अवस्थामा पुगेकाले उनीहरुको उद्धार गरिएको उनले बताए ।

`मजदुरहरुलाई हामी सबै व्यवस्थापन गर्छौ लकडाउन खुले पछि जानुस भनेका थियौं तर मान्नुभएन हामी जसरी पनि हाम्रो परिवारसँग नै रहन चाहान्छौं मरेपनि आफ्नै ठाउँमा मर्छौ भन्नुभयो त्यसैले उहाँहरुको शारिरीक अवस्था दयनीय देखेर उद्धार गरेका हौं`अध्यक्ष क्षेत्रीले भने ।

उनीहरुलाई काठमाडौंबाट रुकुम र सल्यानसम्म पुर्‍याउन आफूले प्रयास गरिरहेको उनले बताए । बाटोमा केही समस्या आउला भनेर अध्यक्ष श्रत्री मजदुरहरुसँगै काठमाडौं हिडेका छन् ।

यसअघि हिजोपनि जाजरकोटका पाँच जना मजदुरलाई गापाले चितवनसम्म पुग्ने व्यवस्था गरेको विपद् श्रोतब्यक्ति सुकुलाल तामाङले जानकारी दिए । उनीहरु बलेफि ५ मा मजदुरी गर्न आएको उनले बताए ।


क्याटेगोरी : समाचार
ट्याग : #banner

तपाईको प्रतिक्रिया दिनुहोस

धेरै रुचाईएको
error: Content is protected !!