Techie IT
Saturday, April 17,2021 / शुक्रबार, वैशाख ३, २०७८
×
गृहपृष्ठसमाचारहेलम्बुको विकट गाउँमा विषेश सुविधासहितको बर्थिङ सेन्टर

हेलम्बुको विकट गाउँमा विषेश सुविधासहितको बर्थिङ सेन्टर


हेलम्बु। हेलम्बुको विकट गाउँमा सुविधा सम्पन्न बर्थिङ सेन्टरले महिलाहरु खुशी छन् । हेलम्बु ७ ईचोकमा भिडियो एक्सरे सहितको बर्थिङ सेन्टरबाट सेवा पाएपछि महिलाहरु खुशी भएका हुन् ।

गाउँमै विषेश सुविधा पाएपछि हेलम्बुको ईचोक बर्थिङ सेन्टरमा सुत्केरी गराउनेको संख्या ह्वातै बढेको छ । भिडियो एक्सरे, २४ सै घण्टा स्वास्थ्यकर्मीको व्यवस्था र गाउँपालिकाको विषेश आर्थिक सहयोग, एम्बुलेन्स सुविधा लगायतको व्यवस्थाले ग्रामीण महिला सुत्केरी गराउन बर्थिङ सेन्टरमा आउन थालेका हुन् ।

गापाको स्वास्थ्य शाखाका अनुसार दुईवर्ष अघि पाँच जना मात्र बर्थिङ सेन्टरमा सुत्केरी हुन आएका थिए । हाल चालू वर्षको नौ महिनामा झन्डै एक सय भन्दा बढी बर्थिङ सेन्टरमा सुत्केरी हुन आएको गापा अध्यक्ष निमा ग्याल्जेन शेर्पाले जानकारी दिए ।

गापाले सुत्केरी हुन बर्थिङ सेन्टरमा आउने महिलालाई एम्बुलेन्स घरमा नै लिन पठाउने र सुत्केरी भएपछि घरमा नै पुर्याउने गरेको छ । सुरक्षित सुत्केरीका लागि स्वास्थ्यसंस्था आउने महिलालाई सरकारले प्रोत्साहन स्वरुप तीन हजार दिने गरेको छ ।

उक्त तीन हजारमा गापाले तीन हजार थप दिएर सुत्केरी हुन आउने महिलालाई थप प्रोत्साहन दिएको गापाका स्वास्थ्य प्रमुख ज्ञानेन्द्र सिग्देलले बताए ।


क्याटेगोरी : समाचार
ट्याग : #breaking


तपाईको प्रतिक्रिया दिनुहोस