बाह्रबिसेको आइशोलेशन वार्डमा रहेका तीनै जनाको रिपोर्ट नेगेटिभ, आजै डिस्चार्ज गरियो
सिन्धुपाल्चोक । बाह्रबिसे प्राथमिक स्वास्थ्य चौकीमा आइशोलेशन वार्डमा रहेका तीन जनाको रिपोर्ट नेगेटिभ आएको छ । कोरोना भाइरस (कोभिड-१९) को आशंकामा अस्पताल भर्ना भएका तीनै जनाको रिपोर्ट नेगेटिभ आएको बाह्रबिसे प्राथमिक स्वास्थ्य चौकीले आज जनाएको छ ।
आइशोलेशन वार्डमा रहेका भोटेकोशी गाउँपालिका ४ का निमा स्याङ्बो शेर्पा, याङ्जी शेर्पा र छिरिङ दोर्जे लामाको रिपोर्ट नेगेटिभ आएको हो । गत १३ गते उनीहरु स्वास्थ्य केन्द्रमा भर्ना भएका थिए ।
उनीहरुको स्वास्थ्यमा उल्लेख्य सुधार भएकाले उनीहरु तीनै जनालाई आजै डिस्चार्ज गरिएको पनि अस्पतालले जनाएको छ । निमा स्याङ्बो र याङजी आमाछोरी हुन् ।
गएको माघ २९ गते इराकबाट फर्केकी ती आमा छोरी र छिमेकी वृद्ध छिरिङ दोर्जे काठमाडौंमा सँगैं बस्दै आएका थिए । इराकबाट फर्केका उनीहरुलाई लामो समयदेखि सुक्खा रुघाखोकीको लक्षण देखिएकाले स्वास्थ्य परीक्षणका लागि स्वास्थ्य केन्द्रमा आएको स्वास्थ्यकर्मीले बताएका छन् ।
क्याटेगोरी : समाचार
ट्याग : #breaking
तपाईको प्रतिक्रिया दिनुहोस