सिन्धुपाल्चोकमा एसइइ परीक्षा तयारी पूरा

चौतारा, १ चैत ।
आउँदो चैत ६ बाट सुरु हुने माध्यमिक शिक्षा परीक्षा (एसइइ)को तयारी पूरा भएको छ । चार हजार एक सय चार जनाले सहभागिता जनाउने परीक्षाको सबै तयारी सकिएको हो ।
परीक्षार्थी मध्ये १ हजार ८ सय ३४ छात्र र २ हजार २ सय ६७ छात्र छन् । यो वर्षको एसइइका लागि २३ परीक्षा केन्द्र तोकिएको छ । सम्बन्धीत परीक्षा केन्द्रका प्रधानाध्यापकलाई नै केन्द्राध्यक्षको जिम्मेवारी दिएको शिक्षा विकास तथा समन्वय इकाई सिन्धुपाल्चोकका प्रमुख कृष्ण सुवेदीले बताए । यो वर्ष सामुदायिक र संस्थागत गरी यो वर्ष १ सय ४९ विद्यालयका विद्यार्थीहरु एसईईमा सहभागी हुँदैछन् ।
प्राविधिकतर्फ यो वर्ष १ सय ३२ परीक्षार्थीहरु सहभागी हुदैछन् । प्राविधिकतर्फका लागि चौतारा स्थित कृष्णरत्न गंगा माविमा परीक्षा केन्द्र निर्धारण गरिएको छ । त्यस्तै ग्रेड वृद्धि परीक्षामा पनि १६जना परीक्षार्थीहरु सहभागी हुँदैछन् ।