मेलम्ची, २० माघ ।
मेलम्ची नगरपालिका न्यायिक समितिको आयोजना तथा प्राकृतिक श्रोत द्धन्द्ध रुपान्तरण केन्द्र नेपालको सहजिकरणमा मेलम्ची नगर स्तरीय सामुदायिक मेलमिलाप कर्ताहरुको सपथ ग्रहण तथा अभिमुखिकरण तालिम आइतबार मेलम्चीमा भएको छ । नगरपालिका भित्र सुचिकृत १३ वटै वडाका मेलमिलाप कर्ताहरुलाई समुदायमा घट्न सक्ने बिभिन्न बिवादहरुको समाधान, प्रक्रिया, जिम्मेवारी र कर्तव्यको बिषयमा केन्द्रित भई कार्यक्रमको आयोजना गरीएको मेलम्ची नगरपालिका न्यायिक समितिका संयोजक भगवति नेपालले बताइन् ।
कार्यक्रममा बोल्दै उनले मेलमिलाप कर्ताहरुले अपनाउनु पर्ने सावधानी, समुदाय प्रतिको उत्तरदायित्व लगायत बिविध बिषयमा सहभागि मेलमिलाप कर्ताहरुलाई सचेत रहन आग्रह गरिन् । साथै मेलम्ची नगरपालिका भित्रका सम्पुर्ण वडामा मेलमिलाप केन्द्रलाई ठिक ढंगले व्यवस्थापन गर्न तथा माघ मसान्त सम्ममा वडा स्तरीय मेलमिलापकर्ताको संयोजक टुङगाउन पनि निर्देशन दिइन् । कार्यक्रममा बोल्दै प्राकृतिक श्रोत द्धन्द्ध रुपान्तरण केन्द्र नेपाल सिन्धुपाल्चोकका संयोजक ठाकुर चौलागाईले समुदायको बिश्वासिलो मेलमिलाप कर्ता बन्न सबैलाई आग्रह गरे । हालसम्म जिल्लामा २१०० भन्दा बढि समुदायमा घटेका बिवाद समाधान गर्न सामुदायिक मेलमिलापकर्ता सफल रहेको जानकारी दिदैँ अहिले झनै यसको गरीमा बढेको जानकारी दिए । कार्यक्रममा बिभिन्न वडाका मेलमिलाप कर्ताहरुले आफ्नो भनाई हरु राख्नुभएको थियो ।
क्याटेगोरी : समाचार
तपाईको प्रतिक्रिया दिनुहोस