Techie IT
Tuesday, April 13,2021 / सोमबार, चैत्र ३०, २०७७
×
गृहपृष्ठसमाचारचौतारा–१४ काठको पोलमुक्त हुँदै

चौतारा–१४ काठको पोलमुक्त हुँदै


चौतारा, २९ पुस ।
चौतारा सांगाचोकगढी नगरपालिकाको १४ नम्बर वडा सबैभन्दा पहिलो काठको पोलमुक्त वडा घोषणा हुने भएको छ । सबै स्थानमा फलामको पोल जडान सम्पन्न भएसंगै माघको ३ गते एक औपचारिक कार्यक्रम गरी काठको पोलमुक्त वडा घोषण गरिने अध्यक्ष शेरबहादुर श्रेष्ठले बताए । १४ नम्बर वडा कार्यलयमा विहान ८ बजे नगरका मेयर अमान सिंह तामाङले काठको पोलमुक्त वडा घोषणागर्ने तयारी छ ।
काठको पोलका कारण करेन्ट लागेर गाउँ–गाउँमा मृत्यु हुने समस्या बढेपछि चौतारा सांगाचोकगढी नगरपालिकाले काठका पोल मुक्त अभियाननै सुरु गरेको थियो । नगरपालिकालाई काठको पोलमुक्त पार्नका लागि जनप्रतिनिधिहरुले निर्वाचित भए देखिनै यो अभियानले तिव्रता दिएका थिए ।
काठका पोल ढल्ने, लच्कने, मक्किएर तारसमेत लत्रनेलगायतका समस्या कारण नै काठको पोल मुक्त अभियान सुरु भएको थियो ।
काठको पोल मुक्त अभियान सुरु भएपछि फलाम र सिमेन्टका विद्युतका पोल गाउँ–गाउँमा र्पुयाइएको थियो । अहिले नगरपालिकाको सबै वडालाई काठको पोलमुक्त बनाउँन त्यसको काम भइरहेको छ । तार र पोलहरु धेरै असरल्ल भएकाले अलिक कठिन भइरहेको छ। ऋभियान सुरु भएपछि नगरपालिकाले डेढ करोड रुपैयाँको फलामको पोल खरीद समेत गरेको थियो।


क्याटेगोरी : समाचार, समाज


तपाईको प्रतिक्रिया दिनुहोस