सवारी दुर्घटना : महिनादिनमा ३३ को मृत्यु

चौतारा, २१ कात्तिक ।

सिन्धूूपाल्चोकमा पछिल्लो एक महिनामा सवारी दुर्घटनाबाट ३३ को मृत्यु भएको छ । जिल्लाको विभिन्न समय र स्थानमा भएको पाँच दुर्घटनामा एक सय ५९ घाइते भएका थिए ।
जिल्ला प्रहरी कार्यालय सिन्धुपाल्चोकका अनुसार गएको असोज दोस्रो साता चौतारामा बसको ठक्करले एक बालिकाको मृत्यु भएयता सुनकोशी दुर्घटना समेत गरि ३३ को मृत्यु भएको छ । कार्यालयका डिएसपी माधवप्रसाद काफ्लेका अनुसार त्यसपछि भोटसिपा दुर्घटना, चौतारा मोटरसाइकल दुर्घटना, मेलम्चीमा मिनिटक दुर्घटना र सुनकोशी दुर्घटना रहेका छन् ।
भोटसिपामा ११, मोटरसाइकलमा एक, मिनि टकले ठक्कर दिँदा एक र सुनकोशी दुर्घटनामा १९ जनाको ज्यान गएको थियो । त्यस्तै गरि भोटसिपामा एक सय ९ र सुनकोशी दुर्घटनामा ५० यात्रु घाइते भएका थिए ।
बसमा क्षमता भन्दाबढीे यात्रु बोक्ने र ग्रामीण क्षेत्रका सडकको स्तरउन्नति नभएकै कारण दुर्घटना भएको हो ।
जिल्लाका विभिन्न ठाँउमा भएको दुर्घटनामा सबै भन्दा बढी दुर्घटना हुने सवारी साधानमा मोटर साइकल र स्कुटर रहेका छन् । दुर्घटनाको कारण कच्ची सडक, चालकको लापरबाही, गाडिको तीब्र गति र यात्रुले जथाभावी बाटो काट्ने प्रवृत्ति र क्षमता भन्दाबाढी यात्रु बोक्दा दुर्घटना भएको प्रहरीको भनाइ छ ।
जिल्ला प्रहरी कार्यालयले दुर्घना न्यूनीकारणका लागि जन चेतनामुलक कार्यक्रम सन्चालन गरी सवारी चलाकलाई सम्मान,घुम्ती प्रशिक्षण,मापसे जाँचमा कडाइ गरेपनि अझै दुर्घटना न्यूनीकरण भएको छैन् ।

क्याटेगोरी : समाचार
ट्याग : #breaking

---

---

---