शनिबार, मंसीर १८, २०७८
गृहपृष्ठसमाचारसल्यानबाट तुलसीपुर जाँदै गरेको जिप दुर्घटना, एकको मृत्यु, १९ जना घाइते

सल्यानबाट तुलसीपुर जाँदै गरेको जिप दुर्घटना, एकको मृत्यु, १९ जना घाइते


सल्यान- सल्यानबाट तुलसीपुर जाँदै गरेको मे १ ज ५२२ नम्बरको जिप सल्यान र दाङको सिमाना पर्ने एक्लेबर नजिकै दुर्घटनामा परेको हो ।

जिप दुर्घटना हुँदा एकको मृत्यु भएको छ भने १९ जना घाइते भएका छन् । ३ जनाको अवस्था गम्भीर रहेको छ । जिप दुर्घटना हुँदा कालीमाटी गाउँपालिका–३ बस्ने ३३ वर्षीय देवबहादुर सुनारको मृत्यु भएको जिल्ला प्रहरी कार्यालय सल्यानका प्रनाउ गोविन्द थापाले बताए ।

उनका अनुसार दुर्घटनामा घाइते हुनेमा दंगिशरन गाउँपालिका–२ की २१ वर्षीया पिमा ओली, बबई गाउँपालिका २ की २३ वर्षीया पवित्रा ओली र उनका ३ वर्षीय छोरा बिज्रेश ओली, ३२ वर्षीया कमला बस्नेत र उनका १० वर्षीय छोरा प्रशान्त खत्री, शान्तीनगर गाउँपालिका ४ की ३५ वर्षीया खली ओली, तुलसीपुर उपमहानगरपालिकाकी २८ वर्षीया शोभा बुढाथोकी र उनका ७ वर्षीय छोरा लोकेन्द्र बुढाथोकी घाइते भएकन हुन् ।

यस्तै, घाइते हुने अन्यमा कालीमाटी गाउँपालिका ३ की २८ वर्षीया रीता खत्री, ३९ वर्षीय रेशम बुढाथोकी, १८ वर्षीय खेमराज बुढाथोकी, ५ वर्षीय प्रशान्त राना , १७ वर्षीया सपना ओली, राप्ती सोनारी गाउँपालिका ९ की ३५ वर्षीया पवित्रा बुढाथोकी, ३० की पिमा खत्री, बाँके कोहलपुर नगरपालिका ४ की ३२ वर्षीया दीपा ओली, १५ वर्षीया संगिता बुढाथोकी, ८ वर्षीया अपेक्षा बुढाथोकी, बर्दिया बासघारीकी २८ वर्षीया सुशिला राना छन् ।

गम्भीर घाइते भएकी पिमा खत्री, पार्वती ओली र प्रशान्त खत्री लगायत अन्य घाईते सबैको अञ्चल अस्पताल तुलसीपुरमा उपचार भइरहेको ईलाका प्रहरी कार्यालय तुलसीपुरले जानकारी गराएको छ ।

ईप्रका तुलसीपुरका अनुसार तीव्र गतिका कारण जिप अनियन्त्रित हुँदा दुर्घटनामा परेको थियो । जीप सडकदेखि ५० मिटर तल खसेको छ । जीपमा २१ जना सवार थिए । जीप चालक डम्मर खत्री फरार छन् ।


क्याटेगोरी : समाचार


तपाईको प्रतिक्रिया दिनुहोस

धेरै रुचाईएको
error: Content is protected !!