आईतबार, असोज ३१, २०७८
गृहपृष्ठसमाचारकेसीलाई ज्येष्ठ पत्रकार सहायता रकम प्रदान

केसीलाई ज्येष्ठ पत्रकार सहायता रकम प्रदान


चौतारा । सिन्धुपाल्चोकमा रहेर लामो समयदेखि क्रियाशील रहेका पत्रकार राम केसीलाई ज्येष्ठ पत्रकार सहायता रकम हस्तान्तरण गरिएको छ । नेपाल पत्रकार महासंघ सिन्धुपाल्चोक शाखाले उनलाई सो रकम हस्तान्तरण गरेको हो ।
महासंघले ६० वर्ष नाघेकालाई यस्तो सहायता उपलब्ध गराउने नीति अनुरुप केसीलाई सहयोग गरिएको हो । हरेक वर्ष ६० वर्ष नाघेका क्रियाशील पत्रकारलाई दिइने यो रकम यो वर्ष केसीलाई प्रदान गरिएको पत्रकार महासंघ सिन्धुपाल्चोकका अध्यक्ष जीवन श्रेष्ठले बताए ।
केसी अस्वस्थ्थ भएकाले उनका धर्मपत्नी टीकालक्ष्मी केसीलाई चेक हस्तान्तरण गरिएको थियो । उनलाई प्रेस काउन्सिल नेपालका अध्यक्ष बालकृष्ण बस्नेतले १२ हजार रुपैयाँको चेक हस्तान्तरण गरे ।
‘सामाजिक सुरक्षा भत्ता स्वरुप पत्रकारलाई यस्तो सहायता प्रदान गरिन थालिएको हो.,’ अध्यक्ष श्रेष्ठले भने, ‘यो हरेक वर्ष निरन्तर चल्नेछ ।’ उनले सिन्धुपाल्चोक शाखामा ६० वर्ष नाघेका केसी मात्रै भएकाले यो वर्ष यस्तो सहायता केसीलाई मात्रै प्रदान गरिएको हो ।
२००३ सालमा जन्मेका केसी अझै पत्रकारितामा सक्रिय छन् । हाल केसी नेपाल समाचारपत्र दैनिक र राष्ट्रिय समाचार समितिमा आवद्ध छन् ।
पत्रकार महासंघ सिन्धुपाल्चोकले आयोजना गरेको विजया दशमी, शुभ दीपावली, नेपाल सम्वत तथा छठ पर्वको उपलक्ष्यमा आयोजित शुभकामना आदानप्रदान कार्यक्रममा सो रकम हस्तान्तरण गरिएको हो ।


क्याटेगोरी : समाचार


तपाईको प्रतिक्रिया दिनुहोस

धेरै रुचाईएको
error: Content is protected !!