गृहपृष्ठ ∕ स्वास्थ्य/शिक्षा ∕ सिन्धुपाल्चोकमा कोरोना संक्रमितको संख्या ३ सय १७ पुग्यो, ८ को मृत्यु सिन्धुपाल्चोकमा कोरोना संक्रमितको संख्या ३ सय १७ पुग्यो, ८ को मृत्यु सिन्धु खबर असोज २९, २०७७ गते १२:३० मा प्रकाशित चौतारा । सिन्धुपाल्चोकमा कोरोना संक्रमितको संख्या ३ सय १७ पुगेको छ । बुधबार सबैभन्दा बढी २९ जनामा कोरोना संक्रमण पुष्टि भएसँगैं संक्रमितको संख्या ३ सय १७ पुगेको हो । बुधबार अहिलेसम्मकै सबैभन्दा बढी संक्रमितहरुको पहिचान भएको स्वास्थ्य कार्यालयका जनस्वास्थ्य अधिकृत दुर्गादत्त चापागाईले जानकारी दिए । पछिल्लो समय जिल्लामा संक्रमणको दर तीव्र रुपमा वृद्धि भएको छ । लकडाउन खुलेसँगैं सामाजिक दुरीको ख्याल नगर्दा र स्वास्थ्य मापदण्ड नअपनाउँदा संक्रमणको दर वृद्धि भएको बताइएको छ । कोरोना संक्रमणको दरमा वृद्धि भएपनि संक्रमितलाई आइसोलेसनमा राखेर उपचार गराउन सकिएको छैन् । जिल्लामा रहेका आइसोलेसनहरु सबै भरिभराउ रहेका कारण नयाँ संक्रमितलाई आइसोलेसनमा राखेर उपचार गर्न नसकिएको जनस्वास्थ्य अधिकृत चापागाईले बताए । जिल्लामा रहेका आइसोलेसनमा ४८ जना उपचाररत छन् । त्यस्तै जिल्ला बाहिर काठमाडौंलगायतका अस्पतालमा ३९ जना आइसोलेसनमा छन् । होम आइसोलेसनमा बस्नेको संख्या ६४ जना छन् । जिल्लामा होम आइसोलेसनमा बस्ने ४२ जना छन् भने जिल्ला बाहिर २२ जना होम आइसोलेसनमा बसेका छन् । जिल्लामा संक्रिय संक्रमितको संख्या १ सय ५१ छ । जसमध्ये १८ जना सुरक्षाकर्मीहरु कोरोनाबाट संक्रमित भएका छन् । नजिकिदो चाडवाडले कोरोना संक्रमण गाउँ गाउँमा पुग्ने भन्दै जनस्वास्थ्य अधिकृत चापागाईले चिन्ता व्यक्त गरे । `दशैमा घर आउनेसँगै कोरोना संक्रमणमा वृद्धि हुने देखिन्छ उनले भने ,त्यसको लागि विभिन्न जनचेतनामुलक कार्यक्रमहरु गर्न आवश्यक छ ।` कोरोना संक्रमितको वृद्धि कोरोना संक्रमणका कारण जिल्लामा ८ जनाले ज्यान गुमाइसकेका छन् । क्याटेगोरी : स्वास्थ्य/शिक्षा ट्याग : #breaking तपाईको प्रतिक्रिया दिनुहोस सम्बन्धित समाचार बाह्रविसेका कुमारको उपचारमा ५० लाख लाग्ने, सहयोगका लागि अपिल भोटेकोशीका ५ हजारलाई कोरोना विरुद्धको खोप सिन्धुपाल्चोकमा कोरोना संक्रमित : घट्दै, फेरि बढ्दै सिन्धुपाल्चोकमा अझै ३१४ कोरोना संक्रमित धेरै पढिएका १खुकुरी हान्ने बाह्रबिसेका ४ जना पक्राउ २सिन्धुपाल्चोकका यी ठाउँमा भोलिदेखि निषेधाज्ञा जारी ३क्रसरका संञ्चालकले मार्ने योजना बनाएको भन्दै वडाध्यक्षले सुरक्षाकर्मी गुहारे ४मोटरसाइकलसहित लिसंखु र तौथलीका दुई चोर पक्राउ ५स्वास्थ्य केन्द्रका राई तीन महिनादेखि बेपत्ता ६सामुहिक बलात्कारमा संलग्न जुगलका कैलाश पक्राउ ७सुकुटेमा बसले मोटरसाइकललाई हान्यो, एकको मृत्यु ८मध्यभोटेकोशी जलविद्युत् आयोजनाको शेयर मोबाइलबाटै भर्न मिल्ने
