Techie IT
Tuesday, December 1,2020 / मंगलबार, मंसीर १६, २०७७
×
गृहपृष्ठस्वास्थ्य/शिक्षासंविधान दिवसमा ईन्द्रावतीमा निबन्ध प्रतियोगिता, महेन्द्र माविकी अञ्जना प्रथम

संविधान दिवसमा ईन्द्रावतीमा निबन्ध प्रतियोगिता, महेन्द्र माविकी अञ्जना प्रथम


इन्द्रावती ।  संविधान दिवसको अवसरमा सिन्धुपाल्चोकको इन्द्रावती गाउँपालिकाले गाउँपालिका माविस्तरीय निबन्ध प्रतियोगिता कार्यक्रम गरेको छ । नेपालमा संघीय लोकतान्त्रिक गणतन्त्रात्मक शासन प्रणाली स्थापित गर्ने नेपालको संविधान २०७२ निर्माण भएको छैठौँ वर्षको अवसरमा गाउँपालिकाले आज “विद्यालय शिक्षामा कोभिड -१९ को प्रभाव” बिषयक निबन्ध प्रतियोगिताकाे आयोजना गरेको हो ।

गाउँपालिका भित्रका विभिन्न विद्यालयका कक्षा ८ देखी १२ सम्मका इच्छुक विद्याथीहरु प्रतियोगितामा सहभागी भएका थिए । सहभागीहरुले विश्वब्यापी रुपमा फैलिएको कोभिड- १९ संक्रमणका कारण विद्यालय स्तरको पठनपाठन ठप्प भएको अवस्थामा विद्यालय शिक्षामा आधुनिक सुचना प्रबिधिको प्रयोग गरी बैकल्पिक माध्यमको माध्यमबाट पठनपाठन गराउन सकिने तथ्य बिद्यार्थीहरुले निबन्ध मार्फत खुलेर प्रष्ट पारेका थिए।

विद्यार्थीहरुलाई समाजिक दुरी तथा स्वास्थ्य सुरक्षा मापदण्ड अपनाइ प्रतियोगितामा समाबेश गराइएको थियो । गाउँपालिकाका बिभिन्न विद्यालयहरुबाट जम्मा ८ जना विद्यार्थीहरु सहभागी भएक थिए । प्रतियोगितामा महेन्द्रमाविकी छात्रा अञ्जना सुनार प्रथम, चण्डेश्वरी माविकी वेली लम्साल दोस्रो, राजेश्वरी माविकी सोफिया कुवरले तेस्रो र नवलपुर माविकी सोनीया तामाङले सान्त्वना स्थान हासिल गरिन् ।

निबन्ध प्रतियोगितामा प्रथम , दोस्रो, तेस्रो र सान्त्वना स्थान हासिल गर्नेलाई गाउँपालिका अध्यक्ष बंशलाल तामाङले पुरस्कारले सम्मान गरेका थिए।


क्याटेगोरी : स्वास्थ्य/शिक्षा
ट्याग : #breaking


तपाईको प्रतिक्रिया दिनुहोस