Techie IT
Friday, December 4,2020 / शुक्रबार, मंसीर १९, २०७७
×
गृहपृष्ठस्वास्थ्य/शिक्षास्वास्थ्यमा समस्या देखिएपछि हेलम्बुले गर्‍यो हेलिकप्टरबाट शिशुको उद्धार

स्वास्थ्यमा समस्या देखिएपछि हेलम्बुले गर्‍यो हेलिकप्टरबाट शिशुको उद्धार


हेलम्बु । हेलम्बु गाउँपालिका इचोकको वर्थिङ सेन्टरमा जन्मिएको शिशुमा श्वासप्रश्वासमा समस्या देखिएपछि तत्काल काठमाडौं पठाइएको छ । हेलम्बु १ की फुर्वा डोल्मा शेर्पाको नवजात शिशुमा श्वासप्रश्वासमा समस्या देखिएपछि गाउँपालिकाले हेलिकप्टर बोलाएर बच्चालाई काठमाडौं पठाएको हेलम्बु गाउँपालिका अध्यक्ष निमा ग्याल्जेन शेर्पाले जानकारी दिए ।

फुर्वालाई लामो समय सम्म व्यथा लागेर बच्चा जन्मिएकाले बच्चामा श्वासप्रश्वासको समस्या देखिएको स्वास्थ्यकर्मीले बताएका छन् । बिहान ९ बजेर ५ मिनेट जाँदा फूर्वाले बच्चालाई जन्म दिएकी थिइन् । `बच्चा जन्मिएपछि श्वासप्रश्वासमै समस्या देखियो अध्यक्ष शेर्पाले भने, तत्काल हेलिकप्टर बोलाएर काठमाडौंको कान्ति बाल अस्पताल पठायौं ।`

विकट ठाउँमा गर्भवती हुन नसकेकाहरुको सरकारले निशुल्क उद्धार गरी अस्पताल पुर्याउने गरेको छ । तर बच्चाको उद्धार भने नगर्ने भएकाले गाउँपालिकाले आफ्नै खर्चमा कैलाश हेलिकप्टरबाट बच्चाको उद्धार गरेको हो । अहिले बच्चाको स्वास्थ्यमा सुधार आएको पनि उनले जानकारी दिए । इचोकमा यो आर्थिक वर्षमा मात्रै २६ बच्चा जन्मिसकेका छन् । इचोक वर्थिङ सेन्टर सिन्धुपाल्चोकको विकट ठाउँमा रहेको सुविधा सम्पन्न वर्थिङ सेन्टर हो ।


क्याटेगोरी : स्वास्थ्य/शिक्षा
ट्याग : #breaking


तपाईको प्रतिक्रिया दिनुहोस