कोरोना संक्रमण बढेपछि प्रगतिको सिकाई सहजीकरण केन्द्र स्थगित

मेलम्ची ।

पछिल्लो समय कोभिड १९ को संक्रमण जिल्लामा समेत बढ्न थालेपछि मेलम्चीस्थित प्रगति अंग्रेजी माध्यमिक विद्यालयले सिकाई सहजीकरण केन्द्र स्थगित गरेको छ ।
कोरोना संक्रमण फैलन नदिनका लागि मंगलबारबाट लागू हुने गरि केन्द्र केही समयका लागि स्थगित गरिएको हो । विद्यालयले विशेषगरी बालबालिकाको स्वास्थ्यको समस्यालाई मध्यनजर गर्दै सिकाइ सहजीकरण केन्द्र स्थगित गरेको छ । विद्यालयका प्रिन्सिपल ऋषि नेपालका अनुसार समाजमा कोरोना संक्रमण फैलन नदिनकै लागि नर्सरीदेखि कक्षा ५ सम्मको सिकाइ सहजीकरण क्रियाकलाप हाललाई स्थगित गरिएको हो ।
हाललाई फट्केश्वर, बाहुनेपाटी, ढकाल खहरे, धितालवेशीं, हेलम्बु बसपार्क, हेलम्बु बसपार्क (ख), आमा ह्याल्मो बसपार्क, माथिल्लो टार, तल्लो टार र काफ्ले खोलका केन्द्र स्थगित गरिएको हो ।
स्थितिको अनुकुलता सँगै सिकाइ केन्द्र पुन सञ्चालन गर्न सकिने उनले बताए । अहिलेका लागि घरमै गराउने वैकल्पिक सिकाइ क्रियाकलापका लागि केही दिनमै शिक्षकहरु विद्यार्थीको सम्पर्कमा हुनेछन् ।