चीनको न्यालमले सिन्धुपाल्चोकलाई स्वास्थ्य सामग्री दिने

चौतारा । चीनको न्यालम काउन्टीले सिन्धुपाल्चोक जिल्लालाई स्वास्थ्य सामग्री सहयोग गर्ने भएको छ । न्यालमले आउँदो बिहीबार उक्त सामग्री सिन्धुपाल्चोक जिल्लालाई दिन लागेको हो । उक्त सामाग्री लिन भन्सार प्रमुख लाल बहादुर खत्री जाने प्रमुख जिल्ला अधिकारी उमेश कुमार ढकालले जानकारी दिए ।

न्यालमले पीपीई २८ सय, डिस्पोजल मेडिकल ह्याट ५ हजार पीस, मेडिकल आइसोलेसन सुज कभर ५ हजार थान, गगल्स ३ हजार, आइसोलेसन मास्क २ हजार पीस, एन नाइन्टिन फाइभ मास्क २ हजार पीस, पिसिआर टेस्ट रिजेन्टस २ हजार थान, पिसिआर टेष्ट स्वाब २ हजार र डिस्पोजल मेडिकल मास्क ५ हजार पीस सहयोग गर्ने सिडियो ढकालले जानकारी दिए ।

यो सँगैं न्यालमले सिन्धुपाल्चोकलाई तेस्रो पटक स्वास्थ्य सामग्री दिन लागेको हो । यसअघि दुई पटक न्यालमले सिन्धुपाल्चोकलाई स्वास्थ्य सामग्री दिइसकेको छ । यी स्वास्थ्य सामग्री जिल्लामा अत्यावश्यक परेका स्थानीय तह र स्वास्थ्य संस्थालाई दिने ढकालले बताए ।