बिरामी भएर उपचारका लागि काठमाडौं गएका सिन्धुका थप दुई पुरुषमा कोरोना संक्रमण
चौतारा । सिन्धुपाल्चोकका थप दुई जनामा कोरोना संक्रमण पुष्टि भएको छ । बाह्रबिसे नगरपालिका ८, मानेश्वाराका ८६ वर्षीय एक पुरुष र पाँचपोखरी गाउँपालिका ६ निवासी ४५ बर्षीय पुरुषसहित दुई जनामा कोरोना संक्रमण पुष्टि भएको हो ।
उनीहरु दुवैजनाको असार २२ गते पाटन अस्पतालका कोराना पुष्टि भएको हो । यो सँगैं सिन्धुपाल्चोकमा कोरोना संक्रमितको संख्या ५२ पुगेको छ । दुवैजना घरमा नै बसिरहेको अवस्थामा बिरामी भएपछि जँचाउन लग्दा कोरोना संक्रमण पुष्टि भएको हो ।
घरमा नै बसिरहेका व्यक्तिहरुमा कोरोना देखिएपछि थप त्रास बढेको छ । उनीहरु जिल्लाबाट उपचारका लागि काठमाडौं गएका थिए । आज बसेको जिल्ला कोभिड १९ संकट व्यवस्थापन केन्द्रले उनीहरुको घर आसपासमा तथा छिमेकमा सम्पर्कमा रहेका व्यक्तिहरुकोे कन्ट्याक्ट ट्रेसिङ तुरुन्तै गर्ने निर्णय गरेको छ ।
मानेश्वाराका संक्रमितलाई उपचारका लागि खाडिचौरस्थित सिन्धु सदावहार अस्पताल समेत लगिएकाले उक्त स्थानमा थप खोजबिन गर्न र कन्ट्याक्ट ट्रेसिङ गर्न एक समिति गठन गर्ने केन्द्रले निर्णय गरेको छ ।
क्याटेगोरी : स्वास्थ्य/शिक्षा
ट्याग : #breaking
तपाईको प्रतिक्रिया दिनुहोस