कुवेतबाट आएका सिन्धुपाल्चोकका थप तीनजनामा कोरोना संक्रमण

चौैैतारा । सिन्धुपाल्चोकका थप तीनजनामा कोरोना संक्रमण देखिएको छ । कुवेतबाट आममाफी पाएर नेपाल आएका तीनजनामा कोरोना संक्रमण देखिएको जिल्ला जनस्वास्थ्य कार्यालयले जानकारी दिएको छ ।

उनीहरुको स्थायी ठेगाना सिन्धुपाल्चोक भएतापनि उनीहरु कुवेतबाट आएर काठमाडौंमा नै बसेका थिए । काठमाडौंबाटै उनीहरुको स्वाब संकलन गरेर परीक्षणका लागि पठाइएको थियो । उनीहरु सिन्धुपाल्चोकका कहाँ-कहाँका हुन भन्ने बारे विस्तृत विवरण भने आउन बाँकी छ ।