सिद्धिगणेश ६१ औँ वर्षमा, भव्यतापूर्वक मनायो वार्षिकोत्सव

२०१९ मा स्थापित वडाकै जेठो यो विद्यालयमा अहिले बागमती प्रदेश सरकारको नमूना विद्यालय कार्यक्रम लागू भइरहेको छ । अंग्रेजी माध्ययममा पठनपाठन हुने यो विद्यालय क्रमशः जिल्लामै उत्कृष्ट भित्र दहरिँदै गएको छ ।

सानोसिरुवारी–चौतारा साँगाचोकगढी नगरपालिका–७ मा रहेको सिद्धिगणेश माविले बिहीबार ६१ औँ वार्षिकोत्सव मनाएको छ ।

विद्यालयको स्थापना दिवसलाई उसले भव्य रुपमा मनायो । वार्षिकोत्सवको बागमती प्रदेश सरकारका भौतिक योजनामन्त्री युवराज दुलाल शरदले उद्घाटन गरेका थिए ।

यसै विद्यालयमा पढेका दुलाललाई विशिष्ट स्थानमा पुगेर क्षेत्र, जिल्ला र मुलुक सेवामा योगदान दिएको भन्दै विद्यालयले सम्मान ग¥यो ।

उनीसँगै यसै विद्यालयमा पढेर उच्च ओहदामा पुगेका उर्जा विज्ञ डा. रामप्रसाद धिताल, सशस्त्र प्रहरी बलका डिएसपी श्यामबाबु घिमिरे र चार्टड एकाउन्टेन राजेश नेपाललाई विद्यालयले विशेष सम्मान गरेको थियो ।

बार्षिकोत्सवको अवसरमा विद्यालय व्यवस्थापन समितिका पूर्वअध्यक्षहरु, शिक्षक अभिभावक संघका पूर्वअध्यक्ष नातीबाबु धिताल लगायत तथा रुपक धितालसहित दाता र सहयोगीलाई विद्यालयले सप्रेम सम्मान ग¥यो ।

समारोहमा उत्कृष्ट शिक्षक रुद्रकुमार श्रेष्ठ, प्रविण चौलागाईँ , कक्षगत उत्कृष्ट विद्यार्थी तथा वार्षिकोत्सवको अवसरमा ओयोजित विभिन्न विधाका उत्कृष्ट विद्यार्थीलाई सम्मानित तथा पुरस्कृत गरिएको थियो ।

२०१९ मा स्थापित वडाकै जेठो यो विद्यालयमा अहिले बागमती प्रदेश सरकारको नमूना विद्यालय कार्यक्रम लागू भइरहेको छ । अंग्रेजी माध्ययममा पठनपाठन हुने यो विद्यालय क्रमशः जिल्लामै उत्कृष्ट भित्र दहरिँदै गएको छ ।

प्रधानाध्यापक राजकुमार यादवले विद्यालयलाई अझै उत्कृष्ट बनाउने योजना रहेको सुनाए । कार्यक्रममा विद्यार्थीले गीत, संगीत र नृत्यसहितको प्रतिभा प्रस्तुत गरे ।

व्यवस्थापन समिति अध्यक्ष रविन गौतमको अध्यक्षतामा भएको मूलसमारोहलाई शिक्षक तिलक दंगालले सञ्चालन गरेका थिए ।