चार भाषामा रहेको चौताराको पहिचान झल्कने गीत सार्वजनिक (भिडियो)

Sindhu Khabar असार २१, २०७७ गते १६:२६ मा प्रकाशित

चौतारा ।
सिन्धुपाल्चोकको सदरमुकाम चौताराको पहिचान झल्कने गीत सार्वजनिक भएको छ । एसियन म्युजिकले आफ्नो यूट्युव च्यानलबाट उक्त गीत सार्वजनिक गरेको हो ।
चन्द्रसिं घले, दीपा महर्जन र आसमान लोप्चनको स्वरमा रहेको प्यारो चौतारा, हाम्रो चौतारा बोलको गीतमा जीवन श्रेष्ठको शब्द रहेको छ । गायक घलेले संगीत रचेको उक्त गीतको भिडियोलाई राज पुरीले छायांकन र सम्पादन गरेका हुन् । गीतलाई दिनेश श्रेष्ठले संगीत संयोजन गरेका छन् ।
चौतारामा रहेका ऐतिहासिक, पर्यटकीय महत्वका स्थानहरुलाई भिडियोमा समेटिएको छ । नेपाली, नेवारी, तामाङ र घले गरि चार वटा भाषामा रहेको गीतको भिडियोमा चौतारा बजार, गणेश मन्दिर, नारायणस्थानजस्ता ठाउँहरु समावेश छन् । चौतारामा भएका विकास निर्माणसमेत गीतको भिडियोमा देख्न सकिन्छ ।