यस्तो छ सिन्धुपाल्चोकको पर्यटन वर्ष गीत (भिडियो)

चौतारा, १६ पुस ।
पर्यटन वर्ष २०२०मा सिन्धुपाल्चोकमा पर्यटन भित्र्याउने उद्धेश्यले गीति बृत्तचित्र निर्माण गरिएको थियो । बरिष्ठ गायक प्रेमध्वज प्रधानका साथै चन्द्रसिंह घले र मिना सिंहको स्वरमा रहेको सिन्धुपाल्चोक चिनाउने गीत हो ।
सिन्धुपाल्चोकको स्थानीय सञ्चारमाध्यम ओखरेनी साप्ताहिकले निर्माण गरेको गीति बृत्तचित्र एसियन म्युजिकले यूट्युबमार्फत बजारमा ल्याएको हो । बृत्तचित्र भित्र समावेश सिन्धुपाल्चोक चिनाउने गीत सञ्चारकर्मी किशोर बुढाथोकीको शब्दमा चन्द्रसिंले संगीत भरेका हुन् । एक साता बढी समय खर्चिएर जिल्लाका सबै स्थानीय तहमा रहेका पर्यटकीय गन्तब्यहरुको दृष्य कैद गरिएको भिडियोको सम्पादन उत्तर रानामगरले गरेका छन् । सन्तोष दाहालले खिचेको ड्रोनमा मिलन शंकरले क्यामेराका साथै र बृत्तचित्रको निर्देशन गरेका हुन् ।
सरकारले घोषणा गरेको पर्यटन वर्षमा सञ्चारमाध्यमको तर्फबाट आफ्नो जिल्लाको प्रचारका लागि गीति बृत्तचित्र निर्माण गरिएको छ । गीतमा शब्द र दृष्यमार्फत जिल्लाका ऐतिहासिक तथा पर्यटकीयस्थलको वर्णन गरिएको छ । शब्द तथा दृष्यमा हालै पहिलोपटक सफल आरोहण भएको जुगल हिमश्रृंखलादेखि पाँचपोखरी, हेलम्बु, आमायांग्री, गौराती, नौलिंगेश्वर महादेवसहित सुनकोसी, इन्द्रावती तीर समावेश छ ।

क्याटेगोरी : कला / मनोरञ्जन, भिडियो
ट्याग : #breaking

---

---

---