Techie IT
Saturday, December 5,2020 / शनिबार, मंसीर २०, २०७७
×
गृहपृष्ठकला / मनोरञ्जनभ्रमण वर्ष : सिन्धुपाल्चोक चिनाउने चेतनको दुई गीत (भिडियो)

भ्रमण वर्ष : सिन्धुपाल्चोक चिनाउने चेतनको दुई गीत (भिडियो)


चौतारा, १४ पुस ।
पर्यटकीय जिल्ला सिन्धुपाल्चोकका विभिन्न क्षेत्रको पहिचान झल्काउने दुई गीत सार्वजनिक भएको छ । गायक तथा संगीत्कार चेतन सापकोटाको सिन्धुपाल्चोक र जुगल हिमाल चढ्न जाउँ बालको गीत यूटुयुवमार्फत सार्वजनिक गरिएको हो ।
नेपाल भ्रमण वर्ष २०२० लक्षित यी दुवै गीतमा जिल्लाको पर्यटकीय गन्तब्य, धार्मिक, ऐतिहासिक तथा साँस्कृतिक पक्षको उजागर गरिएको छ । सिन्धुपाल्चोक बोलको गीत सिन्धुपाल्चोक महोत्सवको समयमा सार्वजनिक गरिएपनि भिडियो भने नेपाल भ्रमण वर्ष लक्षित गरि बाहिर ल्याइएको हो । यो गीतका रचनाकार रेवती सापकोटा हुन् । त्यस्तै जुगल हिमाल चढ्न जाउँ भन्ने बोलको गीतको अडियो र भिडियो भ्रमण वर्षकै लागि तयार गरि सार्वजनिक गरिएको हो । दृष्यसहितको गीत सिन्धुपाल्चोकका पूर्व मन्त्रीत्रय अमृतकुमार बोहरा, अग्नि सापकोटा र शेरबहादुर तामाङले राजधानीमा आयोजित एक् ककार्यक्रममा सार्वजनिक गरेका हुन् ।
गायक तथा संगीतकार सापकोटाले नेपाल भ्रमण वर्षमा सिन्धुपाल्चोकमा धेरै पर्यटक भित्र्याउने उद्धेश्यले गति सार्वजनिक गरेको बताए । साहित्य, कलामार्फत जिल्लाको चिनारी झल्कने देष्यहरु समेटिएकाले पर्यटकको रोजाईम सिन्धुपाल्चोक पर्ने उनको दावी छ । सिन्धुपाल्चोक बोलको गीतमा सिन्धुका उच्च राजनीतिक दलका नेताहरुको विशेष अभिनय रहेको छ । यसअघि नेपाल भ्रमण वर्षलक्षित सिन्धुपाल्चोकको चिनारी झल्कने एक गीत सार्वजनिक भइसकेको छ । जिल्लाको सञ्चारमाध्यम ओखरेनी साप्ताहिकले निर्माण गरेको जय जन्मभूमि, जय सिन्धुभूमि बोलको गीतलाई बरिष्ठ गायक प्रेमध्वज प्रधानका साथै चन्द्रसिं घले र मिना सिंहले स्वर दिएका छन् । चन्द्रसिंहको संगीत रहेको सो गीतलाई किशोर बुढाथोकीले शब्द कोरेका थिए ।


क्याटेगोरी : कला / मनोरञ्जन, पर्यटन, भिडियो
ट्याग : #breaking


तपाईको प्रतिक्रिया दिनुहोस