आईतबार, मंसीर १२, २०७८
गृहपृष्ठअर्थतातोपानी नाका हुँदै आउने सामान अब कन्टेनरमा मात्र

तातोपानी नाका हुँदै आउने सामान अब कन्टेनरमा मात्र


तातोपानी ।

नेपाल र चीनको स्थल ब्यापारिक नाका हुँदै नेपालतर्फ सामान ल्याउँदा कन्टेनरबाट मात्र ल्याउने ब्यवस्था मिलाईएको छ । कोभिडका कारण पनि समस्यामा रहेको यो नाका हुँदै आउने सामान चीन बाट चालिस फुटको कन्टेनरमा आउने र सो सामान भन्सार जाँचपछि हेड परिवर्तन गरेर काठमाडौं लैजाने ब्यवस्था गरिएको छ । त्यसो हुँदा बिभिन्न स्थानमा लोड अनलोड गर्दा सामान बिग्रने तथा कोभिडको समस्यामा पनि न्यूनिकरण हुने बताईएको छ ।

चिनियाँ पक्षलेनै ब्यपार ब्यवस्थापन गर्न यो शर्त राखेपछि नेपाली शिल्क ट्रान्सपोर्टको चालिस फुटे कन्टेनरले सामान ढुवानी गर्ने छ । यो नाकामा ब्यापार ब्यवसाय ब्यवस्थित गर्न लागिरहेको शिल्कले चीन तथा नेपाल सरकारबीच सहजीकरण गरेर ब्यवस्थित तथा आधुनिक तवर बाट काम गर्न लागेको हो । बुधवार शिल्कका अध्यक्ष रमेश शेर्पा तथा तातोपानी भन्सार प्रमुख लालबहादुर खत्रीले यो कामलाई औपचारिकता दिएका थिए ।

बुधवार नै तीनबटा कन्टेनर नेपाल तर्फ प्रवेश गरेको छ । चीनको मुसा ट्रान्सपोर्ट कम्पनीसँगनै समन्वय गरेर शिल्कले काम गरिरहेको यसको प्रमुख रमेश शेर्पाले जानकारी दिए । कोभिडको असर बढिरहेको अवस्थामा त्यसबाट बचेर सामान आयात निर्यात गर्नका लागि पनि नयाँ प्रकृया अपनाईएको शेर्पाले बताए ।

 

कोभिडका कारण नेपाली ब्यवसायीका ११ सय कन्टेनर भन्दा धेरै सामान चीनतर्फनै अड्किएका छन् । ती सामान लाई पहिलो प्राथमिकतामा राखिएको शेर्पाले बताए । चिनियाँ पक्षले चालिस फिटको कन्टेनरको प्रयोग गर्न भनेपछि नेपाल तर्फको बाटोका कारण भने समस्या परेको छ । नेपालतर्फको सडक गत बर्षाद्को बाढीका कारण जीर्ण अवस्थामा छ । तत्काल अरनिको राजमार्गको सुधार गर्नका लागि सरकारले योजना बनाउनु आवश्यक रहेको ब्यापारीहरु बताउँछन् ।


क्याटेगोरी : अर्थ


तपाईको प्रतिक्रिया दिनुहोस

धेरै रुचाईएको
error: Content is protected !!