गृहपृष्ठ ∕ अर्थ ∕ हेलम्वुमा स्याउको प्रख्याती फेरि दोहोरिँदै (फोटोकथा) हेलम्वुमा स्याउको प्रख्याती फेरि दोहोरिँदै (फोटोकथा) Sindhu Khabar असोज १३, २०७७ गते १२:४२ मा प्रकाशित हेलम्बु । दुई दसकअघि फलेका स्याउमा रोग लागेर सखाप भएपछि खेती छाडेका हेलम्बुवासीले अहिले फेरि स्याउ फलाएका छन् । गीत्का भाकामा समेत गुन्जने सिन्धुपाल्चोकको पर्यटकीय गाउँ हेलम्बुको स्याउको प्रख्याती फेरि व्यूँताउनका लागि गरिएको खेतीबाट स्याउ फलेको हो । जिल्लाको पर्यटकीय गाउँ हेलम्बुलाई फेरि स्याउको गाउँ बनाउन नाखोतेकी पेमाल्हामू शेर्पा जुटेकी छिन् । दुई दसकअघिदेखि स्याउ खेती छाडेकी उनले फेरि भारतको हिमाञ्चल प्रदेशबाट पाँच सय विरुवा ल्याएर खेती सुरु गरेकी छिन् । अहिले उनको बगैंचामालटरम्मै स्याउ फलेका छन् । पहिले गीतका भाकामा समेत गुञ्जने यहाँको स्याउको प्रख्याती रोग लागेसँगै सकियो । ‘पहिले के रोग लाग्यो भन्ने नै थाहा थिएन, त्यत्तिकै सबैले स्याउ खेती छाडे,’ शेर्पा भन्छिन्, ‘सिंगो गाउँभरि लगाइएको स्याउमा किरा लागेर सखाप भएपछि कसैले खेती गर्ने आँट गरेनन् ।’ उनले स्याउकै कारण हेलम्बुको पहिचान भएको र त्यसलाई गुम्न नदिने अठोटका साथ फेरि खेती सुरु गरेको बताइन् । हेलम्बु गाउँपालिका–१ स्थित शेर्पाको गाउँ नाखोतेमा मात्रै स्याउका १४ हजार विरुवा रोपिएका छन् । फेरि हेलम्बुलाई स्याउको पहिचान दिलाउन गाउँवासी जुरुक्कै भएका छन् । गाउँवासीले लगाएको स्याउको रुखमा फल लागेपछि किसानहरु झनै उत्साहित भएका छन् । ‘हेलम्बुलाई स्याउको पकेट क्षेत्रको रुपमा विकास गरि फेरि स्याउको पहिचानको रुपमा पुर्नस्थापित गर्ने अपेक्षा सहित व्यावसायिक खेतीमा स्थानीय जुटेका छन्,’ गाउँपालिका अध्यक्ष निमाग्याल्जेन शेर्पाले भने । नेपाल मात्रै नभई भारत र तेस्रो मुलुकमासमेत चर्चा कमाएको हेलम्वुको स्याउको पुरानो कथा फेरि दोहोरिँदैछ । ‘हामी पहिलेको हेलम्बुलाई फेरि ब्यूँताउन चाहन्छौं,’ सेर्माथानका कर्मातोप्के लामाले भने । हेलम्बु क्षेत्रका मनोरम गाउँ किउल, बरुवा र बाँसखर्कका हिमाली गाउँमा पनि स्याउ खेती सुरु गरिएको हो । क्याटेगोरी : अर्थ, समाचार ट्याग : #breaking तपाईको प्रतिक्रिया दिनुहोस सम्बन्धित समाचार बाढी प्रभावित सञ्चार संस्था र पत्रकारलाई प्रेस युनियनको सहयोग लक्ष्यको बिन्दु चुम्दै सिन्धुपाल्चोकमा पुनर्निर्माण (भिडियोसहित) तीन करोड लगानीमा भैसी फार्म, दैनिक चार सय लिटर दुध… मेलम्ची उद्धारमा खटिएका आचार्य उत्कृष्ट प्रहरी घोषित धेरै पढिएका १खुकुरी हान्ने बाह्रबिसेका ४ जना पक्राउ २सिन्धुपाल्चोकका यी ठाउँमा भोलिदेखि निषेधाज्ञा जारी ३क्रसरका संञ्चालकले मार्ने योजना बनाएको भन्दै वडाध्यक्षले सुरक्षाकर्मी गुहारे ४मोटरसाइकलसहित लिसंखु र तौथलीका दुई चोर पक्राउ ५स्वास्थ्य केन्द्रका राई तीन महिनादेखि बेपत्ता ६सामुहिक बलात्कारमा संलग्न जुगलका कैलाश पक्राउ ७सुकुटेमा बसले मोटरसाइकललाई हान्यो, एकको मृत्यु ८काँग्रेस क्षेत्रीय सचिव वासुमाथि सांघातिक आक्रमण
