उद्योग वाण्ज्यि संघ सिन्धुले भन्यो, ‘सुरक्षित र सतर्क रहेर व्यापार व्यवसाय गरौं’

सिन्धु खबर असार २६, २०७७ गते १८:२४ मा प्रकाशित

चौतारा । सिन्धुपाल्चोकमा भोटेकोशी बाढीले वितण्डा मच्चाएको र अझ भोटेकोशीबाट क्षति हुन सक्ने भन्दै स्थानीयलाई सुरक्षित रहेर काम गर्न उद्योग वाणिज्य संघले सबैलाई आग्रह गर्दछ । अविरल वर्षा भइरहेको र भोटेकोशीको बहाव अत्यधिक बढेकाले नदी आसपासका नागरिकलाई सुरक्षित र सतर्क रहन आग्रह गरेको हो ।

संघले आज एक विज्ञप्ति निकाल्दै व्यवसायीहरुलाई पनि सतर्कता अपनाई व्यापार वयवसाय गर्न आव्हान गरेको छ । जम्बु र बुल्कोट घटनामा मारिएकाहरुप्रति श्रदाञ्जली दिँदै संघले बेपत्ताको खोजी कार्य जारी राख्न र घाइतेहरुको निशुल्क औषधोपचारको व्यवस्था गर्न सरकारसँग माग गरेको छ ।

घरबार पहिरो र बाढीबाट गुमाएकाहरुलाई उचित राहतको व्यवस्था गर्न पनि संघले माग गरेको छ । हिजो भएको दुखद घटनामा राहत तथा उद्धारमा लाग्ने सम्पुर्णलाई धन्यवाद दिएको छ । विभिन्न ठाउँमा बाटो खोलाले बगाएको हुँदा तत्काल बाटो बनाएर सडक सञ्जाल सुचारु गरी बाह्रबिसे माथिको भूभागमा भौतिक सम्बन्ध जोड्न पनि संघले स्थानीय सरकारलाई आग्रह गरेको छ ।