गृहपृष्ठ ∕ अर्थ ∕ बलेफी ८ मा अब ‘एक घर–एक रोजगार बलेफी ८ मा अब ‘एक घर–एक रोजगार Sindhu Khabar वैशाख २१, २०७७ गते १९:४४ मा प्रकाशित ’खाडीचौर, २१ वैशाख । कोरोना भाइरस (कोभिड १९) नियन्त्रणका लागि गरिएको लकडाउनका कारण गाउँवासी आर्थिक् रुपले खस्कँदै गएपछि एक घर एक रोजगारको योजना अघि सारिएको छ । जिल्लाको बलेफी गाउँपालिका ८ का स्थानीयवासीलाई कृषिमा जोड दिदैं हरेक घरमा कम्तीमा एक जना रोजगार बनाउने योजना ल्याइएको हो । कृषिलगायत विकास निर्माणमा स्थानीयलाई सहभागी गराई अर्थतन्त्रमा बलियो बनाउने योजना वडाको छ । कृषि क्षेत्रका लागि जनतालाई अनुदान र सहुलियत दिएर गाउँमै रोजगारीको वातावरण सिर्जना गर्ने अभियानसमेत रहेको वडाअध्यक्ष चरीबहादुर तामाङले जानकारी दिए । नेपाल सरकारको मापदण्डमा रहँदै विकास निर्माणको काममा समेत स्थानीयलाई पहिलो प्राथमिकतामा राखिने उनको भनाई छ । यो अभियानले गाउँमा रहेका बेरोजगार युवालाईसमेत रोजगारी मिल्ने उनले बताए । गाउँमा रहेका सक्षम जनशक्तिका लागि बाहिर जान पर्ने झण्झटबाट समेत मुक्ति दिलाउन यो अभियान सुरुआत गरिन थालिएको हो । गाउँको बजेट गाउँमै रहने र विकासका साथै आर्थिक रुपले स्थानीयवासी सक्षम हुने अध्यक्ष तामाङको विश्वास छ । प्रत्येक जनतालाई बिकास निर्माणमा जोडेर बिकासको गतिसँगै आर्थिक उत्पादन मा जोड्ने लक्ष्य रहेको उनले बताए । कृषिबाट आर्थिक रुपले समाजको विकास हुने भएकाले गाउँमा रहेका नीजि फर्म तथा समूह मार्फत किसानलाई सहज हुने गरि कार्यक्रम ल्याइन लागिएको हो । कृषि क्षेत्रका लागि आयमूलक काममा गाउँवासीलाई अनु्दान दिइने वडा कार्यालयले जनाएको छ । ‘नीजि फर्म तथा समूहमार्फत माछा पालन तथा कृषि मा साझेदार बनाइ उत्पादनमा जोड दिनेछौं,’ अध्यक्ष चरीबहादुरले भने, ‘अन्य फलफूल, तरकारी तथा खाद्य बालीक लागि विउविजन अनुदानमा दिनुका साथै रासायनिक मलमा सहुलियत दरमा उपलब्ध गराइने छ ।’ उनले यो अभियान अन्तर्गत गाउँमा रहेका खेतीयोग्य बाँझो जमिन सदुपयोग हुनुका साथै गाउँमा कृषि उपज उत्पादन हुने बताए । वडा भित्रको प्रत्येक जनतालाई घुम्ती टोली निर्माण गरि बिकास निर्माणमा वडा कार्यालयले लगाउने छ । गाउँमा रहेका सक्षम र अर्धसक्षमलाई मिलाएर समूह बनाई विकास निर्माणमा गाउँकै जनशक्ति प्रयोग गरिन लागिएको हो । विकास निर्माण र कृषिमार्फत आर्थिक उपार्जनमा काम लगाउने वडाको योजना रहेको छ । क्याटेगोरी : अर्थ ट्याग : #breaking तपाईको प्रतिक्रिया दिनुहोस सम्बन्धित समाचार अब पसल अगाडीको पेटीमा सामान राख्न नपाइने काष्ठकलामा लोभलाग्ने ह्योल्मो संस्कृति उद्योग वाणिज्य महासंघको चुनावमा सिन्धुपाल्चोकका नरेशलाल र कमल निर्वाचित, राजेन्द्र… सिन्धुपाल्चोकका नरेशलाल श्रेष्ठ उद्योग बाणिज्य महासंघको केन्द्रीय सदस्य निर्वाचित धेरै पढिएका १सदाबहार श्रीकृष्ण ‘एकदिन त छुट्नुनै छ मृत्यु केवल बाहाना हो’ २२६ किमी सडक दुरीको भाडा झण्डै नौ लाख ३यसरी पत्ता लगाए सिन्धुपुत्र कसजूले विश्वमै नयाँ वनस्पति ४कुवेतबाट आएका १२ महिलासहित सिन्धुपाल्चोकमा एकैदिन २१ जनामा कोरोना संक्रमण ५भदौरे गणेश कपः तयारी पूरा, टाइसिट सार्वजनिक ६…अनि वडाध्यक्षले निर्माणाधिन नाली भत्काए ७उद्योग वाणिज्य महासंघको केन्द्रीय सदस्यमा सिन्धुपाल्चोकका श्रेष्ठको उमेदवारी ८बाह्रबिसे र बलेफिका दुई महिलामा कोरोना संक्रमण, सिन्धुपाल्चोकमा संक्रमितको संख्या २९ पुग्यो
