शुक्रबार, कात्तिक ५, २०७८
गृहपृष्ठअर्थभोटेकोशीमा एक करोड २० लाखको विपद कोष

भोटेकोशीमा एक करोड २० लाखको विपद कोष


तातोपानी, ४ वैशाख ।
नेपाल चीन सीमामा रहेको भोटेकोशी गाउँपालिकाले प्रकोप व्यवस्थपन कोषमा एक करोड बीस लाख रुपैयाँको कोष स्थापना गरि सञ्चालन गर्ने निर्णय गरेको छ । गाउँ कार्यपालिकाको आज बसेको निर्णयले नेपाल बंगलादेश बैंक लिमिटेडमा स्थापना गरिएको कोषमा नेपाल सरकारको निर्णय बमोजिम विभिन्न शिर्षकबाट रकमान्तर गरि कोषमा रकम संकलन गरिएको हो ।
तीन साता अघि गरेको निर्णयलाई अनुमोदन गर्दै गाउँ कार्यपालिकाको बैठकले यस्तो निर्णय गरेको हो । निर्णयअनुसार पदाधिकारी तथा कर्मचारी भ्रमणबाट १० लाख, खेलकुद, उत्सव तथा महोत्सवबाट १० लाख, एम्बुलेन्स खरिदबाट १० लाख, घुम्ती शिविर सञ्चालन कार्यक्रमबाट १० लाख,गुरुयोजना तथा डिपीआर तयारबाट ७० लाख र प्रदेश सरकारबाट प्राप्त हुनेबाट १० लाख रुपयाँ गरि कुल एक करोड बीस लाख रुपैयाँको कोष खडा गरेको हो ।
गाउँपालिका अध्यक्ष राजकुमार पौडेलका अनुसार यो रहम विभिन्न प्रकोप तथा विपद न्यूनीकरणका लागि खर्चिनेछ । विपदका क्रममा आइपर्ने विविध समस्याको समाधान तथा विपद पूर्व तयरीका लागि यो रकम छुट्याइएको उनले जानकारी दिए ।


क्याटेगोरी : अर्थ
ट्याग : #banner

तपाईको प्रतिक्रिया दिनुहोस

धेरै रुचाईएको
error: Content is protected !!