असहायलाई उद्योग बाणिज्य संघको सहयोग

चौतारा, १८ माघ ।
सिन्धुपाल्चोक उद्योग बाणिज्य संघको अगुवाईमा जिल्लाका तीन असहायलाई सहयोग गरिएको छ । बाणिज्य संघसहित अन्य दाताहरुको सहयोगमा त्रिपुरासुन्दरी गाउँपालिका–४ पिस्करका तीन जनालाई नगदसहित अन्य सामग्री प्रदान गरिएको हो ।
पिस्करका २९ वर्षिय संगीता थामी, ६४ वर्षिय गथेरा थामी र ८६ वर्षिय मनकमाया थामीलाई नगदसहित दैनिक आधारभूत आवश्यकताका सामग्री सहयोग गरिएको हो । संगीता आफ्नो घर र परिवार नभएकाले दिदीसँग आश्रय लिइरहेकी छिन् । गथेरा र मनकमाया आमा छोरा हुन् । उनीहरुको पनि आयश्रोत केही छैन ।
सिन्धुपाल्चोक उद्योग बाणिज्य संघका अध्यक्ष बेदबहादुर श्रेष्ठकाअनुसार संगीतालाई नगद २० हजार र मनकमायाकी आमा छोरालाई नगद तीस हजार सहयोग गरिएको हो । नगदसँगै उनीहरुलाई खाद्यान्न, लत्ताकपडा दिइएको उनले बताए ।
उनीहरुलाई नगद र आधारभूत आवश्यकताका सामग्री खरिदका लागि विभिन्न संस्था तथा व्यक्तिहरुको सहयोग रहेको सिन्धुपाल्चोक उद्योग बाणिज्य संघले जनाएको छ । अध्यक्ष श्रेष्ठकाअनुसार न्यानाङ फेल्गेलिङ गुम्बा परिवार नेपाल स्वयम्भू, झायला लामा तिनचुलीको सहयोग रहेको थियो । थामीहरुलाई होटल सुनकोशीका डाइरेक्टर प्रभुराम श्रेष्ठ, सिन्धुपाल्चोक उद्योग बाणिज्य संघका महासचिव यादव दाहाल, कार्यसमिति सदस्य सूर्यबहादुर कार्की, सल्लाहकार भूपेन्द्र भण्डारीलगायतका उपस्थितिमा सहयोग प्रदान गरिएको हो ।