भ्रमण वर्ष : बञ्जी, र्याफ्टिङसहित होटलमा ३० प्रतिशत छुट

Sindhu Khabar पुस १५, २०७६ गते २०:५० मा प्रकाशित

चौतारा, १५ पुस ।
नेपाल भ्रमण वर्ष २०२० लक्षित गरि सिन्धुपाल्चोकका होटल, रिसोर्टहरुमा आउने पर्यटकलाई ३० प्रतिशत छुट दिइने भएको छ । १ डिसेम्बर २०२० देखि ७ डिसेम्बरसम्म जिल्लाका होटल तथा रिसोर्टमा उपलब्ध सबै सेवाहरुमा छुट दिइने भएको हो ।
सिन्धुपाल्चोकमा धेरै पर्यटक भित्र्याइ नेपाल भ्रमण वर्ष सफल बनाउनका लागि आन्तरिक तथा बाह्य पर्यटकलाई छुट दिइने निर्णय गरिएको छ । होटलमा खाना, आवासका साथै विभिन्न एड्भेन्चरमासमेत छुट दिइने निर्णय गरिएको जिल्ला स्तरीय भ्रमण वर्ष सचिवालयका संयोजक एवम जिल्ला समन्वय समितिका प्रमुख कृष्णगोपाल तामाङले जानकारी दिए ।
साताअघि होटल व्यवसायीहरुसँग गरिएको वैठकमा व्यवसायीहरु नै छुटप्रति उत्साही भएका थिए । सचिवालयका संयोजक कृष्णगोपालका अनुसार व्यवसायीहरु होटलमा मात्रै नभई जिल्लामा रहेका पर्यटकीय साहसिक खेलहरु, बञ्जीजम्प,¥याफिटिङ, कायाकिङ, तातोपानी स्नान लगायतमा पनि पर्यटकहरुले छुटको सुविधा पाउनेछन् ।
पर्यटक आकर्षित गर्नका लागि अरनिको राजमार्गमा रहेका रिसोर्टहरुमा साता दिन सम्मका लागि साँस्कृतिक कार्यक्रमसमेत राखिने छ । राजमार्गअन्तर्गत् रहेका रिसोर्टहरु मध्ये एक दिनमा एउटा रिसोर्टमा कार्यक्रम हुनेछ । सो साँस्कृतिक कार्यक्रममा जिल्लामा रहेका विभिन्न जातजातिको संस्कृति झल्कने मौलिक प्रस्तुति रहने होट व्यवसायीहरुले जनाएका छन् ।

क्याटेगोरी : अर्थ, पर्यटन
ट्याग : #breaking