Techie IT
Saturday, January 16,2021 / शनिबार, माघ ३, २०७७
×
गृहपृष्ठअर्थमहिलाको जीवनस्तर उकास्दै अदुवा खेती

महिलाको जीवनस्तर उकास्दै अदुवा खेती


नवलपुर, १२ मंसिर ।
व्यावसायिक अदुवाखेती गर्न थालेपछि सिन्धुपाल्चोकको इन्द्रावाती गाउँपालिकाको गोसाइँकुण्ड सामुदायिक महिला केन्द्रले अदुवाबाट राम्रो आम्दानी लिन थालेका छन् । व्यावासयिक अदुवा खेती गर्न थालिएपछि आम्दानी बढ्न थालेको हो ।
सिन्धुपाल्चोकको इन्द्रावती गाउँपालिका वडा नम्बर ४ मुलेकी जेठीमाया तामाङले पुख्र्यौली बाली धन, मकै, कोदो लगाउने खेतबारीमा अहिले अदुवा खेती लगाउँदै आएकी छिन् । शुरुमा उनी एकैले अदुवा लागाएकी थिइन् । अदुवाबाट उनको राम्रो आम्दानी देखेपछि अन्य महिलाले पनि चासो देखाएका हुन् । अहिले २९ जनाको समूहमा गोसाइँकुण्ड सामुदायिक महिला केन्द्रको स्थापना गरेका छन् । गाउँपालिकाको अनुदान सहयोगमा १५ सय किलो अदुवा लगाएको किसान चित्रकुमारी खोखाली बताउँछिन् ।
अदुवाको माग राम्रो आउन थालेपछि समूहका महिला खुसी भएका छन् । अघिल्लो वर्ष अदुवाले राम्रो मूल्य पाएपछि उनीहरुले यसवर्ष खेती झनै बढाएका हुन् । खाद्यबालीको तुलनामा दोब्बर फाइदा हुने खोखालीको भनाई छ । व्यावसायिक रुपमा खेती गर्दै आएका उनीहरु उत्पादनभन्दा माग बढी भएको बताउँछन् ।

सिन्धुपाल्चोकका नवलपुर, पाडामरुवा, नयाँबस्ती, कुञ्चोक, बाडेगाउँ र भोटसिपाका किसानले अदुवाखेतीलाई नगदेबालीका रुपमा विकास गर्दै लगेका छन् । अदुवा खेतीका लागि कृषि ज्ञान केन्द्रले सहयोग गरेको समूहकी अध्यक्ष जेठीमाया तामाङले जानकारी दिइन् ।

अदुवाबाट हुने आम्दानीले आफ्नो आर्थिक स्तरमा समेत परिवर्तन आएको किसान बताउँछन् । यो खेतीमा घाटा नहुने उनीहरु विश्वास व्यक्त गर्छन् ।


क्याटेगोरी : अर्थ
ट्याग : #breaking


तपाईको प्रतिक्रिया दिनुहोस