नक्कली सुनलाई झुक्याएर बेच्न खोज्ने बाह्रविसेका तीन पक्राउ
काठमाडौं, ४ कात्तिक ।
सक्कली भन्दै एक किलो नक्कली सुन बेच्न मोलतोल गर्दै गरेको अवस्थामा प्रहरीले बाह्रविसेका २ सहित ६ जनालाई पक्राउ गरेको छ । काठमाडौं कपनबाट सिन्धुपाल्चोक बाह्रविसे नगरपालिका २ घर भएकाहरू मंगले तामाङ, सुजन रसौली र किरण लामालाई पक्राउ गरेको हो ।
प्रहरीले उनीहरुलाई आइतबार दिउँसो प्रहरीले पक्राउ गरेको हो । त्यस्तै, ३३ वर्षीय विष्णु बहादुर राउत तथा ३१ वर्षीय नवराज राउत, रामेछाप दोरम्वा गाउँपालिका २ घर भएका ३१ वर्षीय रोशन वुढा मगर रहेका छन् ।
काठमाडौं कपन निलोपुल नजिकै उक्त परिमाणको नक्कली सुन देखाई ५० लाख रुपैयाँमा विक्री गर्न ग्राहक खोजिरहेको भन्ने सूचना प्राप्त हुनासाथ महानगरीय प्रहरी परिसर काठमाडौंबाट खटिएको प्रहरीले खरिदकर्ताले सुन खरिद गर्न लागेको पाँच लाख रुपैयाँसहित मोलतोल गर्दै गरेको अवस्थामा फेला पारी उनीहरुलाई पक्राउ गरेको हो ।
प्रहरीले उनीहरुको साथबाट नक्कली सुन एक केजी र मोबाइल ६ थान समेत बरामद गरेको छ । घटनाका सम्बन्धमा प्रहरीले आवश्यक अनुसन्धान गरिरहेको छ ।
क्याटेगोरी : अर्थ, समाचार
ट्याग : #banner
तपाईको प्रतिक्रिया दिनुहोस