तातोपानी, ९ असोज ।
चीनको न्यालम खण्डदेखि खासा क्षेत्रसम्मको सडक भास्सिएपछि हप्तादिनको लागि बन्द भएको तातोपानी नाका खुलेलगत्तै एघार सय भेडाच्यांग्रा आउनेभएका छन् । दशैंका लागि नेपालीहरुका लागि आवश्यक भेढाच्यांग्रा आयातसँगै भोलि(शुक्रबार) बाट नाका पुनः सूचारु हुने भएको हो ।
भुकम्पको चारवर्षपछि ऊन ल्याउँदै मालवाहक रुपमा खुलेको तातोपानी नाकाबाट पहिलो चरणमा दशैलक्षित भेडाच्यांग्रा ल्याएर नाका खुल्ने भएको हो । ‘नाका बन्द भएपछि न्यालमबाटै फर्कनुपरेको थियो, हालै खुलेलगत्तै हजारौ भेडाच्यांग्रासहित व्यवासायी नेपाल फिर्दैछन्,’ जुगल गाउपालिका पाङताङका व्यवसायी जगत थापाले भने । जगतले ल्याएका भेडा च्यांग्रा आज खासामै छन् । भोलि नाका खुलेसँगै भेडा च्यांग्रा नेपाल भित्रनेछन् ।
बर्खालगत्तै अविरल वर्षातका कारण पहिरोले अवरोध भइरहेको मितेरी पुल–न्यालम ४० किलोमिटर सडकखण्डको मर्मतसंम्भार हालै सकिएको चिनिया प्रहरी अधिकारीले जनाएका छन् । ०७२ भुकम्प, ०७३ भोटेकोसी बाढी, बर्खापिच्छैको पहिरोले क्षतिग्रस्त चीनको भुभागमा धमाधम काम भइरहेको छ ।
खासामा भेडा च्यांग्राको क्वारेन्टाइनटाइन भइसकेको छ । तत्कालका लागि एघारसय भेडाच्याग्रा भित्रिन लागेको छ । भोलि नाका खुल्ने भएपछि ७० वटा कन्टेनर चीन प्रवेशका लागि लाइनवद्ध छन् । ती कन्टेनरले स्याउ र लसुन ल्याउने तातोपानी सुख्खा बन्दरगाह कार्यलयका एक कर्मचारीले बताए ।
गएको महिना दशै लक्षित स्याउ, पस्मिनाजस्ता अत्यधिक भारका सामाग्री बोकेको दुई दर्जन कन्टेनर तातोपानी नाका हुँदै राजधानी पुगेका थिए । चीनले तातोपानी नाकालाई लागि बन्द गरेको भोटेकोशी गाउँपालिका अध्यक्ष राजकुमार पौडेलले बताए ।
‘तातोपानी नाकाको सम्पुर्ण गतिविधिलाई चीनले एकदमै संवेदनशिल रुपमा लिएका छन्,यसबारे सम्पर्क सुचना हुने गर्छ,’उनले भने ।
भूकम्पपछि खुलेको तोतोपानी नाा बाट उन, कपडा, इलेक्ट्रिक, जुत्ता चप्पल, खेलौनाजस्ता ‘डिर्पामेन्ट स्टोर’का सामाग्री अत्यधिक छन् ।
उताबाट चिनिया र यताबाट नेपाली कन्टेनर मात्रै आउजाउ भइरहेकाले तातोपानी नाकालाई सहजता बनाउन पहलकदमी लिएको जनप्रतिनिधिले बताउँछन् । नेपालबाट झण्डै एकसय ८२ प्रकारको सामाग्री चीनमा निर्यात हुने अनौपचारिक सहमतीलाई मानेर व्यापार अगाडी बढाइएको छ । नाका खुलाउदा नेपालबाट झण्डै एकसय ८२ प्रकारको सामाग्री जसमा मुडा, खाद्यन्न, गलैचा, ह्याण्डिक्राफलगायतका सामाग्री चीनको ल्हासा पुग्ने सहमती गरिएको थियो ।
क्याटेगोरी : अर्थ, समाचार, समाज
ट्याग : #banner
तपाईको प्रतिक्रिया दिनुहोस