शुक्रबार, असोज १, २०७८
गृहपृष्ठअर्थ‘तातोपानी नाकाबारे सरकारबाट आश्वासनबाहेक केही पाएनौं ।’ (भिडियो)

‘तातोपानी नाकाबारे सरकारबाट आश्वासनबाहेक केही पाएनौं ।’ (भिडियो)


होमबहादुर बस्नेत (राजकुमार)
अध्यक्ष, सिन्धुपाल्चोक उद्योग बाणिज्य संघ

सिन्धुपाल्चोक उद्योग बाणिज्य संघको अध्यक्षमा निर्वाचित हुनुभयो, के के गर्नुभयो यो अवधिमा ?
चैत २०७७ मा अधिवेशन भएको हो । टीम नै निविरोध भएको हो । हामी कसरी अगाडि बढ्ने भन्ने छलफल हुन नपाउँदै कोभिड महामारी सुरु भयो । त्यसले व्यापार व्यवसाय ठप्प्प हुन पुग्यो । तैपनि हामीले भर्चूअल मिटिङबाट कार्यक्रमहरु गर्ने सल्लाहअनुरुप कामहरु भइरहेको छ ।
कोभिडकै बेला स्थानीय तह, स्वास्थ्य चौकीहरुमा स्वास्थ्य सामग्री वितरण गरेका छौं ।
बाढी पहिरोमा पनि हामीले पीडितसँग हातेमालो गरेका छौं । यसमा हिमालय सीमापार बाणिज्य संघसँग पनि सिन्धुपाल्चोक उद्योग बाणिज्यले हातेमालो गरिरहेको छ । जहा विपद त्यहाँ तत्काल हामी पुगेका छौं । हामीले जिल्ललामा मात्रै नभई जिल्ला बाहिर पनि राहत सामग्री लिएर पुगेका छौं ।
तातोपानी नाका सञ्चालन नभएकै कारण व्यवसायीहरु मारमा हुनुहुन्छ । नाका पूर्ण रुपले सञ्चालनका लागि प्रधानमन्त्री शेरबहादुर देउवालगायतसँग छलफल पनि भइरहेको अवस्था छ ।
अब के गर्ने योजनामा हुनुहुन्छ ?
२०७२ को विनासकाशी भूकम्पअघि तातोपानी नाका राम्रो राजस्व संकलन हुने नाका हो । धेरै व्यवसायीहरु व्यापार गर्ने गर्दथे । संयौले रोजगारी पाएका थिए । भूकम्पपछि संरचनाहरु ध्वस्त भए । र, नाका बन्द हुन पुग्यो । जसकारण व्यवसायीहरु पलायनको अवस्था आयो ।
२०७५ जेठ १५ मा विधिवत रुपमा नाका पुनः सूचारु भएपनि त्यसपछि आइपरेका प्राकृतिक प्रकोपहरुले बाधा ल्याइरह्यो । बाढी पहिरोले समस्या तुल्यायो ।
हामी व्यवसायीहरुको संस्था भएकाले नाकालाई सहजीकरण गरेर, गाडीहरुको संख्या बढाउने योजनामा छौं । अहिले सामग्री नेपाल भित्रिन झण्डै ६० दिनसम्म लाग्ने गरेको छ । पर्याप्त कन्टेनरहरु भएमा त्यो अवधि छोटिएर २० दिनमा आइपुग्न सक्छ । व्यवसायीहरुलाई लागत मूल्यमा पनि कम लाग्ने गर्दछ ।
नाका पूर्ण रुपले सञ्चालन नहुनुमा खास समस्या के होला ?
हामीले सरकारलाई घच्घचाउने हो । जति पहल गरे पनि आश्वासन मात्रै आइरहेको छ । नेपार सरकारले आफ्ना नागरिकका लागि र राजस्व संकलनका लागि चीन सरकारसँग कुटनीतिक पहल गरि नाका पूर्ण रुपले खुलाउन सक्नुपर्छ । त्यो सरकारले नगरेर पनि नाका अव्यवस्थित भएको हो भन्ने मेरो ठम्माई हो ।
सरकारले जति चासो दिनु पर्ने थियो त्यति लिएको छैन । हामी संघ संस्थाको मात्रै पहल भइरहेको छ ।
तातोपानी नाका सूचारु गर्न संघ लागिपरेको छ, प्रधानमन्त्रीलाई ध्यानाकर्षण पनि गरियो, सरकारको बुझाई के रहेछ ?
हामीले ज्ञापन पत्र बुझायौ, यसअघि अर्थ मन्त्रालय, भौतिक पूर्वाधार मन्त्रालयलगायतलाई पनि ध्यानाकर्षण गरायौं, समग्रं तातोपानी नाकाका व्यवसायी पलायन भएका छन् । कतिपय ऋणमा डुबेका छन् ।

राजस्व संकलनमा महत्वपूर्ण हिस्सा ओगट्ने यो नाकाबारे सरकार गम्भीर हुनु जरुरी छ ।
सरकारलगायत सबै निकायले हामी प्रयास गर्छाै भन्ने मात्रै आश्वासन आएको छ । विश्वको सबैभन्दा ठूलो अर्थतन्त्र भएको मुलुक चीन । हाम्रो सरकारले अलिकति पहलकदमी लिएको भए नेपाललाई हेर्ने दृष्टि फरक हुन्थ्यो कि । मजबुत तवरले कुटनीतिक पहल गरेमा त्यहाँका व्यवसयाी, स्थानीय, मजदुरलगायत आफ्नो आफ्नो क्षमताले व्यापार गर्दै आइरहेकाहरुलाई केही मद्धत पुग्थ्यो । संस्थाले प्रयास गर्ने हो, कार्यान्वयन गर्ने भनेको सरकारले हो ।

सिन्धुपाल्चोकमा उत्पादनमुखी उद्योग सञ्चालन छैनन्, यसबारे के सोच्नुभएको छ ?
उत्पादनमुखी उद्योग सञ्चालनका लागि कच्चा पदार्थ आवश्यक पर्छ । यो नेपालमा सम्भव छैन, अन्य देशको भर पर्नुपर्छ । सडकबाट ल्याउँदा निकै नै महंगो पर्ने हुँदा यो अहिले उद्योग स्थापना नभएको हो ।

यस्ता उद्योग सञ्चालन हुन सिन्धुपाल्चोकमा राख्न कठिन देख्छु । यहाँ उत्पादन हुँदा खपत सिन्धुपाल्चोकमा मात्रै हुँदैन, यसको मुख्या बजार काठमाण्डौंलगायत अन्य ठूला सहर हुन् । त्यहाँसम्म पु¥याउनका लागि महंगो पर्छ । सामग्री महंगो हुँदा प्रतिष्पर्धात्मक हिमाबले अगाडि जान सकिदैन ।
सिन्धुपाल्चोक, काठमाण्डौं, काभ्रे, भक्तपुर, दोलखाका बजार हेर्ने हो भने केही सिमित काम भने गर्न पनि सकिन्छ । उत्पादनमुखी उद्योग सिन्धुपाल्चोकमा छैन, सबै नाकाबाट आयात निर्यात मात्रै गर्छन् भन्ने आरोप नभएको भने होइन । हामी प्रयासमा छौं । छलफलमा छौं । सिन्धुपाल्चोकमा पनि सम्भावना छ भनेर हामीले सन्देश प्रवाह गर्ने योजनामा भने छौं ।

 


क्याटेगोरी : अर्थ, विचार/अन्तरवार्ता


तपाईको प्रतिक्रिया दिनुहोस

धेरै रुचाईएको
error: Content is protected !!