बुधबार, असोज ६, २०७८
गृहपृष्ठराजनीतिपार्टीलाई बलियो बनाई मुलुक हाँक्न सक्ने नेतृत्वको जरुरी

पार्टीलाई बलियो बनाई मुलुक हाँक्न सक्ने नेतृत्वको जरुरी


विकास लामा
सभापति
नेपाली कांग्रेस, सिन्धुपाल्चोक

अहिले नेपाली राजनीतिमा नेपाली कांग्रेसको महाधिवेशनको सन्दर्भलाई लिएर मुलुक तातेको छ । कांग्रेस लोकतान्त्रिक ठूलो शक्ति भएकाले अबको नेपाली कांग्रेस कस्तो होला ? कुन धारबाट अगाडि बढ्ला ? अनि नेतृत्व कस्तो आउला भन्ने आम चासोको विषय बनेको छ । त्यसैले पनि यो महाधिवेशन, नेता कार्यकर्ता भित्र मात्रै नई नेपालमा रहेका सबै दलहरुका नेताहरुको नजरमा पनि छ ।
नेपाली कांग्रेस नेपालको यस्तो महत्वपूर्ण दल हो जसले उठाएका विचार, सिद्धान्त अनि राजनीतिक सोचले राष्टिय राजनीतिमा गहिरो प्रभाव राख्छ । अहिले कांग्रेस सरकारमा छैन । चुनावी तालमेलमा समग्र रुपमा हार भएकै कारण कांग्रेस बाहिरिएको हो । यो अवस्था यो हारलाई कांग्रेसका समर्थक तथा कार्यकर्ताले सामान्य रुपमा पक्कै लिएका छैनन् । सुभेच्छुकहरुमा त्यतिबेलाको परिणामले निराशा पैदा गराएको थियो । आत्मसम्मानमा ठोस पुगेकै हो । अब फेरि यस्तो अवस्था आउन नदिन नेतृत्व चयनमाथि महाधिवेशन सचेत हुनु जरुरी देखिन्छ ।
अबको महाधिवेशनबाट नेपाली कांग्रेसको नेतृत्व कस्ले गर्ने भन्ने विषयलाई आन्तरिक विभाजन र अस्वस्थ प्रतिस्पर्धाको होडबाजी छ । महाई लाग्छ हामी यसमा लाग्ननुहुँदैन । तर पनि यो लोकतान्त्रिक अभ्यास भएकाले एक ढिक्का भएर कांग्रेस अबको महाधिवेशनमा जान सक्ने सम्भावना मैले देखेको छैन । लोकतान्त्रिक व्यवस्थामा गुट उपगुट हुन्छ । यो अन्त्य हुन सक्दैन । पहिलेदेखि नै आन्तरिक विभाजन हुन थालेका कारण अहिले पनि यो बहस चर्चामा रहेको हो ।
सभापतिका लागि योग्य नेताहरु कांग्रेसमा धेरै हुनुहुन्छ । त्यसैले पनि आकांक्षी धेरै देखिएको हो । अहिलेको सन्दर्भमा भन्नैपर्दा फेरि पनि नेतृत्वका लागि गुटको खेल हुन्छ नै । आकांक्षी हुनु, उम्मेद्वार हुनु अनि कुनै एक व्यक्ति चुनिएर नेतृत्वमा जानु महाधिवेशनको सामान्य पक्ष हो । नेतृत्वमा जो गए पनि पार्टीको हितका लागि उपयोग गर्नसक्ने हुनुपर्छ ।
अब के हुन्छ भने यो महाधिवेनमा जुन विचार समूह बलियो छ । संख्यात्मक रु गुणात्मक रुपमा ठूलो छ उसैको समूहले नेतृत्व गर्ने हो । अरुले सघाउने हो । र पनि प्रतिस्पर्धी भावनाभन्दा पनि लोकतान्त्रिक अभ्यास र मर्यादाको राजनीतिमा हामी रहनुपर्दछ । पार्टी हाम्रो हो भन्ने सबैले मनन गर्नुपर्छ ।
पार्टी नेतृत्वका लागि आकांक्षी, या पार्टीभित्रका अग्रपंक्तिको नेताको लहैलहैमा, नेताको सम्पन्नतामा नभई देश निर्माणमा भूमिका निर्वाह गर्नसक्ने, पार्टीलाई बलियो, मजबुद बनाई सिंगो मुलुक हाँक्न सक्ने नेतृत्व अत्यावश्यक छ । राष्ट्र र जनताको सम्पन्नतामा तथा समृद्धिमा रमाउने नेताको खाँचो अहिले महसूस भएको अवस्थामा अनुभवी, पार्टीलाई चिनेको बुझेको व्यक्ति अहिलेको कार्यकर्ताले चाहेका छन् ।
नेपाली कांग्रेस बलियो भएर उभिन जनता र कार्यकर्ताले सबैभन्दा बढी रुचाइएका सक्षम, कुशल नेतृत्वको भूमिका बहन गर्नसक्ने सक्षम व्यक्तित्व अग्रपंक्तिमा आई लोकतान्त्रिक पुरानो दलको सान्दर्भिकता बढाउन सक्ने र कांग्रेसको भविष्य सुरक्षित गर्न सक्ने नेतृत्वको खाँचो देखिन्छ । जसले मुलुक हाँक्नसक्नुपर्छ । जसले परिवर्तन गर्न सक्नुपर्छ । जसले पार्टी अनि मुलुकको विकास, समृद्धिको असल मार्गचित्र कोरेर भूमिका बहन गर्नसक्छ । उही हुनुपर्छ अबको नेपाली कांग्रेसको नेतृत्वकर्ता ।
(कुराकानीमा आधारित)


क्याटेगोरी : राजनीति, विचार/अन्तरवार्ता
ट्याग : #breaking

तपाईको प्रतिक्रिया दिनुहोस


सम्बन्धित समाचार

धेरै रुचाईएको
error: Content is protected !!